Усяго патроху1212

Бой стагоддзя: Маск і Цукерберг пагадзіліся пазмагацца ў клетцы. І гэта не жарт

Два самыя вядомыя ў свеце тэхналагічныя мільярдэры — Ілан Маск і Марк Цукерберг — дамовіліся пазмагацца адзін з адным у традыцыйнай клетцы для баёў змяшаных адзінаборстваў. Маск кінуў выклік, Марк падняў пальчатку.

Калаж на аснове фота Getty Images

Маск апублікаваў паведамленне ў твітары, што ён «гатовы да бойкі ў клетцы» з Цукербергам. На гэта Цукерберг, кіраўнік Meta, мацярынскай кампаніі фэйсбука і інстаграма, апублікаваў скрыншот твіта Маска з каментаром: «Паведаміце, дзе сустрэнемся».

Прадстаўнік кампаніі Meta сказаў Бі-бі-сі, што «гэтая гісторыя ў тлумачэннях не мае патрэбы».

На пытанне Цукерберга Маск даслаў адказ: «Актагон (васьмікутнік) у Вегасе».

Актагонам якраз і называецца спецыяльная абгароджаная арэна, на якой праходзяць баі, якія ладзяцца арганізацыяй Ultimate Fighting Championship («Абсалютны байцоўскі чэмпіянат»). Яна знаходзіцца ў Лас-Вегасе (Невада).

Ілан Маск, якому ў канцы гэтага месяца споўніцца 52 гады, таксама напісаў у твітары: «У мяне ў запасе ёсць выдатны прыём, які я называю «морж»: я проста ляжу на сваім суперніку і нічога не раблю».

Ён таксама напісаў у твітары: «Я амаль ніколі не трэніруюся, акрамя таго, што часам падхопліваю сваіх дзяцей і падкідваю іх у паветра».

39-гадовы Цукерберг ужо даўно займаецца змяшанымі адзінаборствамі і нават выйграваў турніры па джыу-джытсу.

Абмен паведамленнямі паміж Маскам і Цукербергам неадкладна стаў вірусным: шматлікія карыстальнікі сацыяльных сетак абмяркоўвалі, хто ж з іх можа перамагчы ў гэтым баі, іншыя публікавалі мемы, у тым ліку і змадэляваныя плакаты, якія рэкламуюць гэтую бітву.

Будучыя канкурэнты?

Meta заявіла ў чэрвені пра планы стварыць тэкставую сацыяльную сетку, пакліканую скласці канкурэнцыю твітару.

Ідэя ў тым, што карыстальнікі Instagram, які належыць Meta, адразу могуць стаць падпісантамі тых жа акаўнтаў і ў новай тэкставай сацыяльнай сетцы.

Патэнцыйна гэта можа дазволіць кампаніі прыцягнуць падпісчыкаў з дэцэнтралізаваных платформаў, такіх як Mastodon.

Прадстаўнік Meta пацвердзіў, што платформа знаходзіцца ў распрацоўцы. Тэарэтычна яна можа скласці Twitter больш сур'ёзную канкурэнцыю, чым BlueSky або Mastodon.

Каментары12

  • Чак
    22.06.2023
    Стаўлю скрынку гарэлкі на Маска!
  • Антось
    22.06.2023
    Як па мне, дык хай абое пазабіваюць адзін аднаго.
  • дочка Максима Дизайнера
    22.06.2023
    смею предположить что Маску прическа Цукерберга

    не дает

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Усе навіны →
Усе навіны

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

У Беларусі зноў пастрожылі палітычны фільтр для экскурсаводаў. Што змянілася ў правілах атэстацыі?2

«Знаходзіцца ў знясіленым стане». Вернікі даведаліся падрабязнасці пра зняволенага ксяндза Анджэя Юхневіча

больш чытаных навін
больш лайканых навін

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Галоўнае
Усе навіны →