Грамадства44

Дзяўчына з Брэста дамаглася праз пракуратуру адмены штрафу за безбілетны праезд

19-гадовая жыхарка Брэста вырашыла аспрэчыць рашэнне, па якім яе прыцягнулі да адміністрацыйнай адказнасці за праезд у гарадскім аўтобусе без білета. Ёй удалося пераканаць у сваёй рацыі пракуратуру.

Фота ілюстрацыйнае

Жыхарку Брэста аштрафавалі ў аўтобусе за безбілетны праезд, як яна палічыла, несправядліва. Шукаючы праўды, дзяўчына звярнулася ў пракуратуру горада і папрасіла ўмяшацца ў сітуацыю.

Высветлілася, што ў маі 2023 года на дзяўчыну наклалі адміністрацыйнае спагнанне. Яе абавязалі заплаціць штраф у памеры 0,5 базавай велічыні за безбілетны праезд у гарадскім аўтобусе. Гэта прадугледжана часткай 1 артыкула 18.28 Кодэкса Рэспублікі Беларусь аб адміністрацыйных правапарушэннях.

Сама дзяўчына патлумачыла, што ў той дзень ехала ў тралейбусе, які спыніўся праз рамонт дарогі. Далей тралейбус па сваім маршруце не паехаў, таму яна перасела ў аўтобус. Так як праезд яна ўжо аплаціла, а не даехала да месца не па сваёй віне, то працягнула рух па раней пракампаставаным квітку.

Кантралёр, аднак, гэтую акалічнасць узяць пад увагу адмовіўся і аформіў на дзяўчыну адміністрацыйнае спагнанне за безбілетны праезд.

Між тым у пракуратуры растлумачылі, што трэба кіравацца Правіламі перавозак пасажыраў гарадскім электрычным транспартам. У пункце 26 гэтага дакумента гаворыцца пра сітуацыю, калі перавозчык прыпыніў перавозку пасажыраў. У выпадку, калі гэта адбываецца з тэхнічных або з іншых прычын, то праязныя дакументы будуць сапраўдныя на іншы сродак транспарту. Яны датычаць гэтага маршруту або напрамку, выкананага перавозчыкам на працягу дня.

Таму была зроблена выснова, што правы пасажыркі парушаныя. У выніку намеснік пракурора горада Брэста адмяніў пастанову КУП «Брэсцкі грамадскі транспарт» аб накладанні спагнання. Акрамя таго, на патрабаванне пракуратуры ініцыявана пытанне аб прыцягненні вінаватай службовай асобы прадпрыемства да дысцыплінарнай адказнасці.

Каментары4

  • mikola
    16.06.2023
    Ne mazliva ale-Iosc spravy Vaznyja=PALITYKI ! IH vyrashyli ZNISCZAC !
  • Gorizont
    16.06.2023
    Сделайте как в европе - билет на 20минут. , билет на 1 час, на 2 часа езды на всех будь то траллейбус или автобус какая разница. Нет вот нужена головная боль. Совдэп. Пока не помрет чел который живет прошлым ничего не изменится.
  • Gorizont
    16.06.2023
    Пока не помрет чел из ссср ничего не поменяется. Я про то - что пора уже как лет 10 назад было сделать талон один на 20 мин, 30, 1 час езды на всех общественных , как в например в той же Польше.

Стрыжак пра Пратасевіча: Са мной такога адбыцца не магло8

Стрыжак пра Пратасевіча: Са мной такога адбыцца не магло

Усе навіны →
Усе навіны

Беларусь пацвердзіла расстрэльны прысуд Крыгеру: «Германіі прапанаваныя канкрэтныя рашэнні»7

Аляксей Талай прапанаваў даць Лукашэнку званне Героя Беларусі23

Забойца польскага салдата на мяжы ўстаноўлены. Ён усё яшчэ ў Беларусі2

Што вядома пра суддзю і пракурорку, якія вынеслі смяротны прысуд грамадзяніну Германіі2

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася5

У Мінску распачаўся «форум патрыётаў», прысвечаны 30-годдзю кіравання Лукашэнкі15

У цэнтры Кіева знеслі сядзібу Зяленскіх4

У расійскім Краснадары людзі перакрылі вуліцу з-за адключэнняў святла1

Жанчыну-мэра на Філіпінах абвінавачваюць у шпіянажы на Кітай. Высветлілася, што яна не тая, за каго сябе выдавала1

больш чытаных навін
больш лайканых навін

Стрыжак пра Пратасевіча: Са мной такога адбыцца не магло8

Стрыжак пра Пратасевіча: Са мной такога адбыцца не магло

Галоўнае
Усе навіны →