На АНТ паказалі фэйкавую апытанку — і не заўважылі, што яе жартам стварылі іншыя прапагандысты
Сёння ў праграме на канале АНТ, прысвечанай сітуацыі з «Байполам», прапагандыст Ігар Тур сярод іншага паказаў скрын апытанкі, што нібыта сведчыць пра тое, што ажно цэлая траціна чытачоў апазіцыйных медыя ў якасці найбольш аўтарытэтнай для сябе крыніцы па тым, што адбываецца ў дэмакратычных асяродках, успрымае праўладны канал «Жёлтые сливы». Але тут ёсць нюанс, які заўважыў журналіст Аляксей Івашкевіч.
Рэч у тым, што ў самы разгар канфлікту ў «Байполе», 8 чэрвеня, канал «Мая краіна Беларусь» запусціў апытанку на тэму «Каму вы давяраеце ў сітуацыі з Bypol?»
А паколькі для лукашыстаў любы ўнутраны крызіс у дэмакратычных колах — бальзам на душу, то адзін з іхніх каналаў, пад назвай «Земля наша», на хвалі маральнага ўздыму з гэтай апытанкі паздзекаваўся і паспрабаваў своеасабліва пажартаваць, замяніўшы ў ім з дапамогай фоташопа найбольш папулярны варыянт «Пакуль разбіраюся ў сітуацыі» на адсутны ў арыгінале варыянт «Жёлтым сливам (ЖС Premium)». Пры гэтым, трэба аддаць належнае, «сумленна» адзначыў у канцы кплівага допіса, што «скрын трохі ўдасканалены».
І ўсё б нічога, але праз тыдзень гэта жартоўны скрын усплыў у прапагандысцкай праграме Ігара Тура, і там ужо пра яго «ўдасканаленасць» ніякай гаворкі не вядзецца, фэйкавая апытанка падаецца як самая што ні на ёсць сапраўдная.
Пока Тур рассказывал о ситуации с байполом он умудрился вставить опрос с фейковыми результатами pic.twitter.com/NbDdVT8kGq
Прапаганда знайшла вінаватых у чэргах пад школай у Новай Баравой
«Можна нават балгаркай распілаваць». Прапагандысты пераконваюць беларусаў у бяспечнасці ядзернай зброі
Прапагандысты шалеюць ад пераходу праваслаўных Украіны на святкаванне Раства 25 снежня. Між тым 9 з 15 праваслаўных цэркваў свету таксама святкуюць 25-га
Здаюць у арэнду катэдж загінулага хакеіста Цыплакова ў Драздах. Вось інтэр'еры ФОТЫ19
Каментары