Са студзеня па сакавік беларусы атрымалі пераводаў з-за мяжы на 42 мільёны далараў.
Сярэдняя сума аднаго з іх склала 271,48 даляра. Летась яна перавышала 298 даляраў, піша Blizko.by.
З Беларусі за першы квартал было адпраўлена пераводаў на 32,9 мільёна даляраў. Сярэдняя сума аднаго перавода — 211 даляраў. У 2022 годзе яна была роўная 393,86 даляра.
Атрымлівалі і адпраўлялі пераводы ў асноўным праз сэрвісы «Юністрым», «Залатая Карона», Money Gram, Contact або «Сбербанк анлайн». Пры гэтым з Беларусі грошы перасылалі найчасцей праз Сбербанк і «Залатую карону», а атрымлівалі — праз усё тую ж «Залатую карону» і Money Gram.
У мінулым годзе асноўнай валютай пераводаў быў расійскі рубель. Часцей за ўсё беларусы пераводзілі грошы адрасатам у Расію і Грузію, а атрымлівалі з Расіі і ЗША.
Сума пераводаў з Беларусі пры гэтым склала больш за 241,8 мільёна даляраў, а ў Беларусь — каля 296,2 мільёна.
Закаханыя ў Мінску хацелі сабраць з падпісчыкаў $10 тысяч на вяселле мары. Колькі ж у выніку ім заданацілі?11
Каментары