«Гэта жах. Мы — святыя». Лукашэнка заявіў, што на наступных выбарах будзе заўзець за Трампа
Наведваючы сёння прадпрыемства па вытворчасці боепрыпасаў у Мінскай вобласці, Лукашэнка паразважаў пра палітычную сітуацыю ў ЗША.
Так, разважаючы пра выбары ў Злучаных Штатах, Лукашэнка адзначыў, што пытанне, хто стане чарговым кандыдатам на пасаду прэзідэнта і выйграе выбарчую гонку, не такое важнае. «Байдэн там, не Байдэн. Што скажуць, тое і робіць. Ён што, сам прымае рашэнні? Прымаюць адпаведныя людзі. Таму там неверагоднае можа адбыцца».
Па апытаннях Джо Байдэн прайграе Дональду Трампу. Але і гэты факт ні пра што не гаворыць, падзяліўся меркаваннем Лукашэнка.
«Вы ведаеце, як праводзяцца выбары ў ЗША. Па пошце ці грошы заплацілі — у скрыню накідалі. Гэта жах! Мы святыя. Наша «дыктатура» святая ў параўнанні з іх «дэмакратычнымі» выбарамі. Гэта кашмар. Калі ўсе гэтыя нюансы ўлічыць, то хто яго ведае, што там адбудзецца, — заявіў Аляксандр Лукашэнка. — Але калі перамагае Трамп… Адна рэч — перадвыбарчая кампанія, калі ўсе могуць прыгожа прамаўляць. Але казаць — гэта адно, а вырашаць пытанні — гэта зусім іншае. Машына ў Амерыцы працуе, і супраць гэтай машыны ніводны прэзідэнт не пойдзе. Таму што ў яго і паўнамоцтвы іншыя, чым, дапусцім, у Лукашэнкі ці Пуціна».
Разам з тым Лукашэнка лічыць, што Дональд Трамп больш рашучы і можа прымаць рашэнні насуперак тым, хто кантралюе сітуацыю.
«Яму давядзецца (калі нават не ў поўным аб'ёме, але часткова) выконваць свае абяцанні па спыненні вайны, бо занадта відавочна ён пра гэта сказаў: «Суткі — і я б вырашыў пытанне». Будзем за яго заўзець, каб ён прыйшоў да ўлады і за суткі спыніў гэтую натаўскую машыну, якая сёння ваюе супраць Расіі», — дадаў Лукашэнка.
Кавід забраў у Беларусі 90 тысяч жыццяў, а не 7 тысяч, як сцвярджалі ўлады18
Каментары
https://d3kcf2pe5t7rrb.cloudfront.net/318994
https://d3kcf2pe5t7rrb.cloudfront.net/318994