У Круглым зноў затрымана Аліна Горава — 30 мая ёй прысудзілі 1 год «хатняй хіміі»
Ёй ставяць у віну яшчэ адзін эпізод удзелу ў мірнай акцыі пратэсту ў Мінску ў 2020 годзе (арт. 342 КК Беларусі). Вядома, што Аліну павезлі ў мясцовы аддзел Следчага камітэта і адтуль яна ўжо не выйшла, паведамляюць праваабаронцы.
Гэта ўжо другі выпадак крымінальнага пераследу 21-гадовай дзяўчыны. Першы раз яе затрымалі ў канцы сакавіка 2023 года па ўсё тым жа арт. 342 КК, пасля чаго яна некалькі месяцаў правяла ў СІЗА.
У зняволенні ў Горавай абвастрыўся шэраг хранічных захворванняў. Увечары 30 сакавіка Аліне стала дрэнна, таму ёй выклікалі хуткую дапамогу. Сілавікі не дазволілі шпіталізаваць затрыманую, а ў магілёўскай турме ў медыцынскай дапамозе ёй адмовілі, нягледзячы нават на дрэнныя аналізы. Турэмны лекар адмовіўся лячыць яе антыбіётыкамі і шпіталізаваць.
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной34
Каментары