Грамадства99

Журналіста Сяргея Сацука перавялі ў калоніі «на лёгкую працу». У яго сур'ёзныя захворванні

Брат зняволенага журналіста, расказаў «Народнай Волі» пра апошнія навіны ад асуджанага на восем гадоў брата.

Сяргей Сацук. Фота: «Наша Ніва»

Сяргея Сацука затрымалі 8 снежня 2021 года. Яго абвінавацілі па трох артыкулах Крымінальнага кодэкса: «Атрыманне хабару» (арт. 430), «Распальванне варожасці» (арт. 130), «Перавышэнне ўлады альбо службовых паўнамоцтваў» (арт. 426).

У выніку Сяргей Сацук асуджаны на 8 гадоў зняволення з адбыццём пакарання ў калоніі ўзмоцненага рэжыму.

Таксама журналісту прызначылі штраф у памеры 500 базавых велічынь (16 тысяч беларускіх рублёў). Ён пазбаўлены права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, на 5 гадоў. Акрамя таго, суд вырашыў спагнаць з абвінавачанага ў даход дзяржавы грашовую суму ў памеры 12 384 беларускіх рублёў.

Адбывае пакаранне Сяргей Сацук у калоніі №15 г. Магілёва…

— Адна з апошніх навін — брата перавялі на лёгкую працу, пра гэта ён паведаміў у лісце, — кажа Аляксандр Сацук. — У Сяргея ёсць сур’ёзныя захворванні, але, тым не менш, спачатку яго прызначылі на цяжкую працу, як абсалютна здаровага чалавека. Цяпер я дакладна не ведаю, якую работу выконвае Сяргей, але ўсё-такі не металалом цягае.

Паведамляе таксама, што апошнім часам «крыху лягчэй стала з сэрцам», хаця прыступы ўсё роўна здараюцца практычна кожны дзень.

— Ён знаходзіцца пад назіраннем турэмных медыкаў?

— Наведваецца да доктара, той выпісвае рэцэпты на пэўныя лекі.

— Ці ўсе лісты даходзяць да Сяргея?

— З маці і жонкай у іх перапіска нармальная, але вось не ведаю, ці даходзяць мае пасланні.

— Ці магчыма спатканне з блізкімі?

— У гэтым месяцы жонка Сяргея разлічвае на доўгатэрміновае спатканне, калі нічога не зменіцца. Яно запланаванае і, будзем спадзявацца, адбудзецца. А вось тэлефонны званок чамусьці адмянілі, не далі брату патэлефанаваць на гэтым тыдні.

— Суд прызначыў Сяргею вялікія грашовыя штрафы…

— Грошы ўжо сабралі, і штраф цалкам аплачаны.

Падтрымайце Сяргея: ПК № 15. 213105, г. Магілёў, п/а Вейна, Слаўгарадская шаша 183, Сяргей Віктаравіч Сацук 

Каментары9

  • даведка
    02.06.2023
    Слишком много крови и нервных клеток попортил силовикам и лично генпрокурору Шведу.
  • mikola
    02.06.2023
    Trymaicesja !
  • mikola
    02.06.2023
    Ja pamjataiu lepsyja CZASY *BDG*...1995....1996....Artykuly Sacuka.....Gazeta byla zabaronena drukavacca na Belarusi.....U Vilne drukavali.....Svabodu...Narodnu Gazetu....BDG..../ My ranicai czakali mashynu z Vilni i potym pradavali na vulicah Mensku....

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Усе навіны →
Усе навіны

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

У Беларусі зноў пастрожылі палітычны фільтр для экскурсаводаў. Што змянілася ў правілах атэстацыі?2

«Знаходзіцца ў знясіленым стане». Вернікі даведаліся падрабязнасці пра зняволенага ксяндза Анджэя Юхневіча

больш чытаных навін
больш лайканых навін

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Галоўнае
Усе навіны →