Свет44

«Гэта неверагодны цуд». Ва Украіне двухгадовая дзяўчынка чацвёра сутак правяла адна ў лесе і выжыла

Пошукі двухгадовай Віялеты Мужачук з сяла Скрыпаі на ўкраінскай Харкаўшчыне працягваліся чацвёра сутак. Калі надзею амаль страцілі, дзяўчынку ўдалося знайсці ў гушчары лесу за 10 кіламетраў ад уласнага дома. Яна была падрапаная і абязводжаная, але жывая. Паліцыя называе гэта «неверагодным цудам», піша Украінская служба BBC.

Маленькая Віялета знікла з двара свайго бацькі ўвечары 23 мая. Яна гуляла там са сваім братам-блізнюком, а затым сышла ў невядомым кірунку.

Пошукі дзяўчынкі працягваліся чацвёра сутак, гэта вялікі тэрмін нават для старэйшага дзіцяці, кажуць спецыялісты. Да аперацыі прыцягнулі каля тысячы чалавек — паліцыю, ратавальнікаў і валанцёраў. Прачэсвалі лясы, аглядалі вадаёмы, іншыя двары паблізу і студні.

Надзею знайсці дзяўчынку жывой ужо амаль страцілі, але на чацвёртыя суткі, 27 мая, яе ўдалося адшукаць. Яна была ў лесе, за 10 кіламетраў ад дома. Дзяўчынка была напалоханая, абязводжаная і галодная, але жывая і не ў крытычным стане. Яе перадалі лекарам.

Намеснік начальніка Галоўнага ўпраўлення Нацпаліцыі ў Харкаўскай вобласці Вячаслаў Давыдзенка прызнаецца, што за ўвесь час ягонай працы ў крымінальным вышуку гэта першы выпадак, калі такое маленькае дзіця праз доўгі час знайшлі жывым і здаровым.

«Гэта неверагодны цуд, — згаджаецца Івашчанка. — Такіх эмоцый, мабыць, ніхто з нас у жыцці яшчэ не перажываў. Калі мы ўбачылі яе жывую, мурашкі — гэта самае малое, што мы адчулі. Мурашкі і слёзы».

Прадстаўнік Нацпаліцыі ўспамінае, што калі дзяўчынку знайшлі, яна была вельмі слабая і падрапаная, але, што дзіўна, практычна без слядоў укусаў насякомымі, якіх у гэтым дрымучым лесе процьма.

Віялета сядзела пад дрэвам і застагнала менавіта тады, калі побач праходзілі тыя, хто яе шукаў. Гэта выратавала яе.

«Калі б яна не застагнала ў гэты момант, магчыма, мы не знайшлі б яе. Гэта маленькі камячок, які сядзеў у кустах, у траве, скручаная была, маленькая, як кацяня», — кажа Івашчанка.

Каментары4

  • Лол
    28.05.2023
    Эннот, згодны, некаторыя ў два толькі хадзіць пачынаюць, а тут 10 кіламетраў прайшла па лесе. Пяць годзікаў недзе, сапраўды.
  • хх
    28.05.2023
    вось жа бедарусы... ні ў што не вераць... ёй можа быць 2, але па факту амаль 3. можа вось-вось споўніцца. дзяўчынка 2-гі раз можна сказаць нарадзілася. сапраўды шчаслівая гісторыя. я плакала, калі чытала
    рост дзяўчынак 3-х год можа дасягаць 103 см. на 103 выглядае? вы дзяцей хоць бачылі, мужыкі?
  • Параска
    29.05.2023
    хх, але так дзіўна гэта. У нас у тым годзе хлопчык знік у Вірджыніі, гэтак сама, пайшоў са двара. І знайшлі яго праз некалькі дзен, калі не спадзяваліся ўжо. Дык дзіце казала, што ён згубіўся, яго знайшоў йеці, пакарміў, даў вады і прынес дадому. Што б не ўбычыў хлопчык, знайшлі яго калі хаты, дзе шукалі ўжо.
    Вось такі выпадак. Але добра, што ўсе добра

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог10

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог

Усе навіны →
Усе навіны

Беларус, які ваяваў на баку Расіі, скардзіцца, што не можа звольніцца са службы і атрымаць выплаты11

На ўсходзе Мінска пабудуюць новы вялікі раён на 100 тысяч чалавек3

LinkedIn прапануе карыстальнікам знайсці працу мары праз штучны інтэлект1

У расійскай гандлёвай сеткі «Святлафор» праблемы. Ці закрануць яны беларускія крамы?3

На крыжы Іосіфу Навумчыку ў Віцебску дапусцілі прыкрую памылку

Краіны Балтыі ў суботу адключаюцца ад энергасістэмаў Расіі і Беларусі. Што трэба ведаць?4

Беларускія памежнікі знайшлі цела мігранта каля агароджы з Латвіяй2

Праект «Беларускі гаюн» спыняе працу27

Продажы Tesla на еўрапейскіх рынках сур’ёзна ўпалі — магчыма, з-за рэпутацыі Маска8

больш чытаных навін
больш лайканых навін

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог10

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог

Галоўнае
Усе навіны →

Заўвага:

 

 

 

 

Закрыць Паведаміць