Грамадства88

«А якія да мяне могуць быць прэтэнзіі?» БРСМ і адміністрацыя юрфака БДУ пракаментавалі відэа са студэнтам у духу сілавікоў

Пацікавіліся ў БРСМ, Студэнцкага саюза і адміністрацыі юрфака БДУ, ці ведаюць яны, што відэа, на якім трэцякурсніка прымушаюць выбачацца, парушае закон.

Скрын відэа, якое выклаў юрфак БДУ. У арыгінале твар не схаваны і студэнт называе сваё імя

Сёння ў афіцыйным інстаграм-акаўнце юрфака БДУ было апублікавана відэа са студэнтам на манер ГУБАЗІКа. 

У ім студэнт-трэцякурснік на фоне эмблемы БДУ і выявы Феміды выбачаецца перад адміністрацыяй факультэта і БРСМ.

«Я, студэнт трэцяга курса БДУ, дазваляў сабе распаўсюджваць звесткі, якія дыскрэдытавалі адміністрацыю юрыдычнага факультэта, а таксама звесткі, якія ганьбяць БРСМ юрыдычнага факультэта. Сваю віну цалкам прызнаю, каюся. На аснове сваіх памылак рэкамендую моладзі пільна сачыць, што, каму, дзе і ў якой сітуацыі яны гавораць, а таксама працаваць на карысць сваёй краіны», — агучвае ў відэа студэнт тэкст, які, відавочна, яго прымусілі сказаць.

На сторыз з відэа былі адзначаны тры арганізацыі: БРСМ факультэта, прафбюро і Студэнцкі саюз факультэта. 

Рэпоснула гэта відэа толькі прафбюро юрфака БДУ. 

Віктар Сухапараў, намеснік дэкана па вучэбна-выхаваўчай рабоце і сацыяльных пытаннях, на званок «Нашай Нівы» зрабіў выгляд, што не ў курсе.

«Я вас пачуў. Шчыра кажучы, не бачыў яшчэ гэта відэа. Дзякуй за інфармацыю, я падумаю, што зрабіць», — адказаў ён. 

«Наша Ніва» патэлефанавала сакратару БРСМ юрыдычнага факультэта Кірылу Панамарову, каб даведацца, ці ў курсе ён, што запіс такога відэа парушае закон. 

«А якія да мяне могуць быць прэтэнзіі? Я студэнт факультэта, якія да мяне пытанні? Не ведаю, браў удзел БРСМ ці не браў, у вас нейкая лжывая інфармацыя. Там у сторыз адзначана тры арганізацыі, гэта пытанні не да мяне. Не ведаю, да каго. Разумееце, я ж проста студэнт юрфака…» — адказаў ён. 

Пацікавіліся ў Кірыла, ці не забыўся ён, што з'яўляецца сакратаром факультэцкага БРСМ. 

«Так, слушна. Пра сітуацыю я ведаю. А вы, скажыце, валодаеце ўсёй сітуацыяй? Я толькі бачыў, што там адзначана тры арганізацыі: БРСМ, Студсаюз і прафкам», — адказаў ён.

«Наша Ніва» звярнулася таксама да старшыні Студэнцкага саюза юрфака БДУ Паўла Гардзеюка.

«Спадзяюся, вы разумееце, што ніякіх каментароў я не буду даваць па гэтай сітуацыі. Магу толькі вам параіць звярнуцца ў прэс-службу. Каментара ніякага даваць не буду, тым больш, што гэта мой актывіст, за якога я адказны. Наконт сітуацыі я ў курсе, у курсе пра ўсё», — адказаў Павел Гардзяюк.

Аператыўна звязацца са старшынёй прафбюро юрфака БДУ Кірылам Палюховічам не атрымалася. 

Чытайце таксама: 

«Дазволіў сабе ганьбіць БРСМ, віну прызнаю». Юрфак БДУ апублікаваў відэа са студэнтам на манер ГУБАЗіКа

Памятаеце студэнта, які на сустрэчы з Лукашэнкам казаў, што хоча быць прэзідэнтам? Ён цяпер у камандзе Васкрасенскага

Што за «акцёры» здымаліся ў фільме АНТ пра «тэракт» на 9 Мая? Расказваем

Каментары8

  • Сцяпан
    24.05.2023
    Сразу бачна -будучыя чыноўнікі! Ніхто ні за што не адказны, але ж пасады там нейкія займаюць, халуі
  • Ўжо не студэнт
    24.05.2023
    Памятую марш студэнтаў ў БДУ, ў ім ўдзельнічалі аж сто (100) чалавек, астатнія стаялі за шклом галоўнага корпусу і пасьміхаючыся здымалі гэтую падзею на свае тэлефончыкі. Цяперака студэнтаў здымаюць на камеру тыя самыя, былыя, студэнты з фае.
    Дзе пануюць шэрыя, абабавязкова прыйдуць чорныя© Стругацкія.
  • даведка
    24.05.2023
    Я же просто студент юрфака, будущий прокурор, судья, декан юрфака, ректор, секретарь БРСМ, шеф ГУБОПиК.

Стала вядома пра арышт гісторыка Ігара Мельнікава12

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку6

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

Пуцін зрабіў Z-спевака Шамана заслужаным артыстам Расіі5

больш чытаных навін
больш лайканых навін

Стала вядома пра арышт гісторыка Ігара Мельнікава12

Стала вядома пра арышт гісторыка Ігара Мельнікава

Галоўнае
Усе навіны →