Расія страціла ў Бахмуте каля ста тысяч чалавек, сказаў прэзідэнт ЗША Джо Байдэн. Ён не ўдакладніў, мае на ўвазе забітых, ці забітых і параненых.
Байдэн сказаў, што цяпер не мае значэння, захапілі расіяне горад, ці не.
«Вакол Бахмута абмеркаванні — страчаны ён, ці не. Расія панесла страты — каля ста тысяч чалавек у Бахмуце. Гэта цяжка папоўніць. Не важна, акупаваны ён, ці не, гэта ўсё роўна разбураны горад», — сказаў Байдэн.
Учора Прыгожын заявіў, што вагнераўцы ўзялі Бахмут. УСУ абвяргаюць гэта. Сёння СМІ напісалі, што Зяленскі прызнаў страту горада, а потым абверглі гэта — нібыта няправільна перадалі яго словы.
Эксперты мяркуюць, што ў расійскай арміі суадносіны забітых і параненых складаюць прыкладна 1:4 або 1:3. Усяго, па ацэнках заходніх аналітыкаў, на гэты момант Расія страціла забітымі ад 40 да 50 тысяч чалавек. Тэлеграм-каналы, якія збіраюць інфармацыю пра страты Расіі з адкрытых крыніц, на гэты момант зафіксавалі імёны больш як 23 000 забітых.
Экс-кандыдатку ў прэзідэнты Таццяну Караткевіч пасадзілі на 15 сутак16
Экс-кандыдатку ў прэзідэнты Таццяну Караткевіч пасадзілі на 15 сутак
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары