Эканоміка44

Прадпрыемства «Полацк-Шкловалакно» нясе страты ад санкцый

Пра гэта калектыву падчас дня інфармавання чыстасардэчна расказаў генеральны дырэктар, а падрабязная справаздача была размешчана на сайце прадпрыемства.

ААТ "Полацк-Шкловалакно" ОАО "Полоцк-Стекловолокно" JSK Polotsk Steklovolokno
Адкрытае акцыянернае таварыства «Полацк-Шкловалакно». Фота: сайт прадпрыемства polotsk-psv.by

Раней каля 90 працэнтаў прадукцыі ААТ «Полацк-Шкловалакно» экспартавалася на рынкі Еўропы, Украіны, Карэі, Японіі і інш. Аднак з другога паўгоддзя мінулага года ў сувязі з павелічэннем санкцыйнага ціску назіраюцца праблемы з рэалізацыяй прадукцыі ў краінах Еўропы і далёкага замежжа.

Прадпрыемства адчувае цяжкасці з праходжаннем плацяжоў, назіраецца адток кліентаў і адмова буйных контрагентаў ад сваіх абавязацельстваў, поўнае закрыццё некаторых рынкаў.

Нестабільная фінансава-эканамічная сітуацыя прымушае прадпрыемства падвоіць аб'ём продажу на беларускім рынку. Але невядома, як гэта будзе рэалізавана.

Улічваючы, што рэалізацыя гатовай прадукцыі ўпала на 40% у параўнанні з аналагічным перыядам мінулага года, на складах назапасіўся трохмесячны абʼём прадукцыі, а крэдытны партфель павялічыўся прапарцыйна гэтаму абʼёму.

У мінулым годзе прадпрыемства павялічыла пастаўкі ў Расійскую Федэрацыю. Але, як адзначыў генеральны дырэктар, сёння суперніцтва на рынках Расіі і Кітая нарастае. Каб канкураваць, неабходна знізіць сабекошт прадукцыі. Па выніках работы за першы квартал 2023 года ў структуры затрат на вытворчасць прадукцыі заработная плата з адлічэннямі займае 33 %, сыравіна і матэрыялы — 29 % (з якіх імпартны складнік — 80 %), паліўна-энергетычныя рэсурсы — 26,5 працэнта.

Генеральны дырэктар Ілля Ікан Генеральный директор Илья Икан General Director Ilya Ikan
Генеральны дырэктар ААТ «Полацк-Шкловалакно» Ілья Ікан. Фота: сайт прадпрыемства www.polotsk-psv.by

На прадпрыемстве для 255 работнікаў з 15 мая па 31 жніўня ўстаноўлены перыяд прастою з аплатай працы ў памеры 1,5 тарыфнай стаўкі (тарыфнага акладу) прысвоенага разраду ў адпаведнасці са штатным раскладам.

Для 835 служачых прадпрыемства, якія працуюць па пяцідзённым працоўным тыдні, з 5 чэрвеня па 3 верасня ўстаноўлены няпоўны чатырохдзённы працоўны тыдзень.

Але не толькі эканоміка хвалюе кіраўніцтва. На заканчэнне мерапрыемства, як адзначана ў яго справаздачы, намеснік генеральнага дырэктара па бяспецы, рэжыме і кадрах яшчэ раз нагадаў завадчанам аб неабходнасці выконваць інфармацыйную гігіену ў інтэрнэце і сачыць за спісам матэрыялаў, прызнаных у нашай краіне экстрэмісцкімі.

Чытайце яшчэ:

Еўрасаюз прыдумляе, як уздзейнічаць на краіны, што дапамагаюць абыходзіць санкцыі

«Беларусь мае адзін з найгоршых прагнозаў эканомікі на наступныя пяць гадоў» — Алесь Аляхновіч пасля форуму Сусветнага банка і МВФ

Алейнік спадзяецца, што кітайцы пры арганізацыі перамоў паміж Украінай і Расіяй не забудуць і пра рэжым Лукашэнкі

Каментары4

  • Краiна беларусаў
    20.05.2023


    Прадпрыемства «Полацк-Шкловалакно» нясе страты ад санкцый

    Пра гэта калектыву падчас дня інфармавання чыстасардэчна расказаў
    генеральны дырэктар==================================================================
  • Yasha
    20.05.2023
    Гэтага калапсу і
    трэба было чакаць. З 2004 года на прадпрыемстве ААТ Полацк-Шкловалакно
    звольнілі 4 прафсаюзных актывістаў Свабоднага прафсаюза Беларускага. Двойчы
    звальнялі Старшыню Пярвічкі СПБ. З 2022 года звольнены дзясяткі работнікаў за
    адбыванне адміністрацыйных арыштаў па палітычных абвінавачаннях. З кастрычніка
    2020 г. спынена рэгістрацыя Першаснай арганізацыі работнікаў ААТ Полацк –
    Шкловалакно Свабоднага прафсаюза Беларускага.
  • Гвяздаболы саўгасныя
    21.05.2023
    Працуй цяпер сам, начальнік, у сваім стэрыльным інфармацыйным асяродку. І піхай прадукцыю куды хочаш.

Стала вядома пра арышт гісторыка Ігара Мельнікава8

Стала вядома пра арышт гісторыка Ігара Мельнікава

Усе навіны →
Усе навіны

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку6

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

Пуцін зрабіў Z-спевака Шамана заслужаным артыстам Расіі5

Еўрасаюз пачынае перамовы пра бязвізавы рэжым з Арменіяй3

Бязвізам у Беларусь першым скарыстаўся грамадзянін Германіі9

больш чытаных навін
больш лайканых навін

Стала вядома пра арышт гісторыка Ігара Мельнікава8

Стала вядома пра арышт гісторыка Ігара Мельнікава

Галоўнае
Усе навіны →