Вайна66

Расійскія вайсковыя эшалоны прыбываюць у Беларусь проста з зоны баявых дзеянняў — Супольнасць чыгуначнікаў

На гэтым тыдні аднавілася перамяшчэнне вайсковых эшалонаў Узброеных сіл Расіі з вайсковай тэхнікай і асабовым складам па тэрыторыі Беларусі. Пры гэтым зафіксавана іх перакіданне проста з зоны вядзення баявых дзеянняў на тэрыторыі Украіны ў Беларусь і ў зваротным кірунку, паведамляе «Супольнасць чыгуначнікаў Беларусі».

Станцыя Заслонава. Фота: railwayz.info

Незалежныя чыгуначнікі пішуць пра два заўважаныя імі эшалоны на станцыі Заслонава ў Лепельскім раёне. 

Першы, вайсковы эшалон № 961, выйшаў 11 мая са станцыі Валнаваха ў Данецкай вобласці на станцыю Заслонава.

У яго складзе — 45 вагонаў, з іх 4 пасажырскія (у іх можа змясціцца каля 200 чалавек), 2 крытыя (з рыштункам), 39 вагонаў-платформаў (з пагружанай колавай і гусенічнай вайсковай тэхнікай). Прыбыць на станцыю прызначэння гэты эшалон павінен быў 18 мая.

Другі эшалон (№ 962) выйшаў 17 мая са станцыі Заслонава на станцыю Гукава Растоўскай вобласці.

У яго складзе — 40 вагонаў, з якіх 3 пасажырскія (каля 150 чалавек); 2 крытыя (з рыштункам); 35 вагонаў-платформаў (з пагружанай колавай і гусенічнай вайсковай тэхнікай). Гэты цягнік меркавана мае прыбыць на станцыю прызначэння 22 мая. Там пасля змены цягніковай брыгады эшалон адправіцца далей на станцыю Чырвоная Магіла на Данеччыне і далей у бок горада Дэбальцава.

Акрамя вайсковых эшалонаў, адпраўленых са станцыі Заслонава на станцыю Гукава, 14 мая з Беларусі адправіўся як мінімум адзін эшалон са станцыі Палонка ў Баранавіцкім раёне.

У складзе гэтага цягніка — 45 вагонаў, сярод якіх 3 пасажырскія вагоны, 2 крытыя вагоны, 40 вагонаў-платформаў з вайсковай тэхнікай і навучаным кантынгентам Узброеных сіл РФ.

Таксама на станцыю Палонка прыбыло як мінімум 2 эшалоны з Расіі, адзін з якіх — 15 мая (40 вагонаў, з іх 4 пасажырскія, 1 крыты, 35 вагонаў-платформаў), другі — 16 мая (46 вагонаў, з іх 4 пасажырскія, 2 крытыя, 40 вагонаў-платформаў). 

Каментары6

  • Андрусь
    19.05.2023
    Спадзяюся, паяздная брыгада ўсведамляе ў чым удзельнічае і гатовая потым несці адказнасць? Супольнасці чыгуначнікаў варта было б высветліць і зафіксаваць імёны і прозвішчы калегаў, якія бяруць непасрэдны  ўдзел ва ўзброенай агрэсіі супраць Украіны, ажыццяўляючы дастаўку жывой сілы і ўзбраення акупацыйных войскаў і дадаючы свой унёсак у статус Беларусі, як краіны-суагрэсара.  
  • 1
    20.05.2023
    Андрусь, расейскiя цягнiковыя брыгады, як i самi цягнiкi. Адтуль прыязджаюць i туды ýбываюць расейцы
  • ром
    20.05.2023
    ай яй яй!!! якия нехарошыя))

Назіраецца маштабны збой электронікі па ўсім свеце. Аэрапорты адмяняюць палёты5

Назіраецца маштабны збой электронікі па ўсім свеце. Аэрапорты адмяняюць палёты

Усе навіны →
Усе навіны

У БДУ назвалі спецыяльнасці з самым вялікім конкурсам — 19 чалавек на месца2

Пецярбургскі музей абвінавацілі ў прапагандзе нацызму за лозунг «Жыве Беларусь» на карціне11

На Свіслачы ў парку Горкага рэпеціруюць водную феерыю — ВІДЭА дня3

Сіноптыкі прагназуюць, што навальніцы будуць у Мінску да канца дня2

Беларуская прапаганда стварыла таблоід «Пятніца». Які выходзіць у сераду9

У Мінску затапіла і станцыю метро «Усход». Аднак закрываць яе не сталі ВІДЭА1

Рэдактарку газеты Мазырскага НПЗ, якую затрымлівалі за «экстрэмізм», звольнілі і замянілі на прапагандыста з Рагачова

На Ваўпшасава ў Дражні машына амаль цалкам сышла пад ваду ФОТАФАКТ

Арына Сабаленка: Плячо зажыло. На гэтым тыдні я пачынаю гуляць1

больш чытаных навін
больш лайканых навін

Назіраецца маштабны збой электронікі па ўсім свеце. Аэрапорты адмяняюць палёты5

Назіраецца маштабны збой электронікі па ўсім свеце. Аэрапорты адмяняюць палёты

Галоўнае
Усе навіны →