Як выглядалі чыноўнікі ў раёнах на ўрачыстасцях Дня дзяржаўнага сцяга ФОТЫ

Галоўныя ўрачыстаці праходзілі ў абласных цэнтрах. На іх, як водзіцца, прадпрыемствы і арганізацыі рэкрутавалі ўдзельнікаў, якія меліся з'явіцца са сцягамі.

У Магілёве да гэтага дня прымеркавалі адкрыццё адрамантаванай вуліцы Камсамольскай. Тралейбусам па ёй праехала кіраўніцтва гарвыканкама і аблвыканкама. Старшыня абласной вертыкалі Анатоль Ісачанка і гарадскі кіраўнік Аляксандр Студнеў былі без гальштукаў.

Павялічыць

Рамонт вуліцы выдаўся скандальным, бо дарожнікі знішчылі старую брукаванку на ёй.

Павялічыць

Ускладаць кветкі да мемарыяла «Барацьбітам за савецкую ўладу» магілёўскія чыноўнікі прыйшлі пры гальштуках. Плошча Славы, дзе адбылася асноўная ўрачыстасць, патанала ў чырвона-зялёным. У першых шэрагах была міліцыя.

Павялічыць

У Шклове Дзень дзяржаўнага сцяга адзначылі без асаблівага пафасу. Да афіцыйнай даты правялі велапрабег. Старшыні райвыканкама Андрэя Камко, як выглядае з публікацый праўладных медыя, на ўрачыстасцях не было.

Сціплая імпрэза на малой радзіме Лукашэнкі. Намеснік старшыні райвыканкама Аляксандр Давыдовіч у завялікім касцюме. Фота: газета Шклоўскага райвыканкама «Ударны фронт»

Букет з трох гваздзікоў да помніка палеглым у Другую сусветную вайну ўскладаў намеснік старшыні Шклоўскага райвыканкама Аляксандр Давыдовіч. На чыноўніку быў завялікі для яго касцюмны гарнітур. Побач з ім была жанчына ў майцы з надпісам «Любимую не отдают».

Павялічыць

На ўрачыстасцях у Бялынічах. Фота: телеграм-канал «Новости Белыничей»

Найбольш крэатыўнымі на Магілёўшчыне былі чыноўнікі ў Бялынічах. Для іх пашылі чырвона-зялёныя строі.

Павялічыць

У такі была апранута і старшыня райвыканкама Вольга Прыстромская. Яна віншавала ў ім пераможцаў спартовага забегу, прымеркаванага да афіцыйнай даты.

У Горках зладзілі вайсковы парад. Яго ўдзельнікамі былі ахоўнікі мясцовай калоніі і лячэбна-працоўнага прафілакторыя для жанчын.

Урачыстасць у Горках. Старшыня райвыканкама Міхаіл Гулы і ахоўнікі горацкай калоніі №9. Фота: газета «Горацкі веснік»

Старшыня райвыканкама Міхаіл Гулы выступаў на фоне траіх вайскоўцаў.

У Крычаве адзначаць Дзень сцяга сабралі апранутую ў мілітары моладзь.

Павялічыць

Старшыня Крычаўскага райвыканкама Андрэй Седукоў у строгім касцюме разам з падначаленымі раздаваў пасведчанні новым членам БРСМ. Тыя ў адказ прысягалі на вернасць «дзяржаўным сімвалам Беларусі».

Павялічыць

Сёлета ўпершыню ўлады адзначаюць Дзень сцяга, герба і гімна Рэспублікі Беларусь. Да 12 красавіка 2023 года гэта дата была прысвечана толькі гербу і сцягу.

Адзначаюць гэты дзень у памяць пра рэферэндум 14 мая 1995 года, па выніках якога былі адмененыя нацыянальныя сімвалы Беларусі — бела-чырвона-белы сцяг і герб «Пагоня» — і ўведзеныя сучасныя. Пра гімн на тым рэферэндуме гаворкі не вялося.

Дзень сцяга, герба, а цяпер і гімна адзначаюць штогод у другую нядзелю мая. Сёлета на ім не выступіў Лукашэнка. Ён не з'яўляецца на публіцы ад 9 мая.

Глядзіце таксама:

Аляксандр Лукашэнка не з’явіўся на ўрачыстасцях Дня сцяга, герба і гімна. Рэй там вёў прэм’ер-міністр Раман Галоўчанка

У Дзярждуме пацвердзілі інфармацыю аб праблемах са здароўем у Лукашэнкі

Лукашэнка бярэ ўдзел у Парадзе Перамогі на Краснай плошчы ФОТА

• 4
• 0
• 26
• 77
• 5
• 10
• 15
• 0