Грамадства1414

«Нармальна было б абʼявіць, што ў Аляксандра Рыгоравіча цяжкі вірус» — Карбалевіч

На што хварэе Лукашэнка, ці была ў яго магчымасць не ехаць у Маскву хворым, як могуць развівацца падзеі ў выпадку яго сыходу, чым можна патлумачыць увядзенне памежнага кантролю на мяжы з Расіяй?

Валерий Карбалевич Valer Karbalevich Валерый Карбалевіч
Cупадзенне Дня Перамогі — свята, якое Аляксандр Лукашэнка не мог прапусціць, і хваробы дазволіла ўсім убачыць, што ў яго сур'ёзныя праблемы са здароўем, мяркуе Валерый Карбалевіч. Фота: Наша Ніва

На гэтыя і іншыя пытанні з актуальнага палітычнага парадку дня ў эфіры ютуб-канала «Обычное утро» адказаў палітолаг Валерый Карбалевіч.

Карбалевіч адзначае, што нешчаслівае супадзенне Дня Перамогі — свята, якое Аляксандр Лукашэнка не мог прапусціць, і хваробы дазволіла ўсім убачыць, што ў яго сур'ёзныя праблемы са здароўем. У такія незвычайныя моманты сістэма ўпадае ў ступар. Яна не ведае, як рэагаваць. Ён згадвае затрымкі з рэакцыяй дзяржаўных медыя на смерць Макея ці адносна дыверсіі ў Мачулішчах. Цяпер мы назіраем нешта падобнае.

На думку палітолага, лагічна і нармальна было б абʼявіць, што «ў Аляксандра Рыгоравіча нейкі цяжкі вірус, ён не можа гаварыць». Але не ў беларускіх умовах.

«Не ў рэжымах, як у Расіі ці Беларусі, пры якіх здароўе лідара — дзяржаўная таямніца. Калі няма інфармацыі, то распаўсюджваюцца чуткі. Чуткі, як вядома, заўсёды перабольшваюць праблему. І сёння мы сапраўды бачым, што праблема са здароўем Лукашэнкі — гэта палітычная праблема нумар адзін у Беларусі. Цяпер гэта абмяркоўваюць на кожнай кухні. Улады самі стварылі сабе праблему тым, што спрабуюць хаваць сітуацыю са здароўем», — падкрэслівае Карбалевіч.

Чаму хворы Лукашэнка паехаў у Маскву?

На думку палітолага, калі б Лукашэнка не паехаў у Маскву, але зʼявіўся ў Мінску падчас урачыстасцяў, то гэта было б расцэнена і замежнай грамадскасцю і расійскай, як палітычны дэмарш:

«Лукашэнка адмовіўся ехаць у Маскву на парад. Лукашэнка спрабуе збегчы з «Тытаніка», які нясецца на скалы». І гэта мела б усе негатыўныя наступствы для яго. Таму ў Лукашэнкі не было іншага выбару, як прыехаць у такім стане, адзначае Карбалевіч.

Ён заўважае, што сведчаннем нестандартнасці і непрыемнасці сітуацыі для Лукашэнкі зʼяўляецца не толькі яго выгляд, але і тое, як гэта было абстаўлена ў інфармацыйным плане. Інфармацыю пра тое, што ён едзе, хавалі да апошняга моманту. Пра тое, што ён прыляцеў у Маскву, першымі паведамілі расійскія СМІ.

На думку палітолага, аптымальным варыянтам было б проста паведаміць, што ёсць праблемы са здароўем. І гэта выглядала б больш натуральным.

Якія наступствы будзе мець паказ хворага Лукашэнкі

Карбалевіч прапануе паглядзець на сітуацыю больш шырока: «Лукашэнка ўсё сваё папярэдняе жыццё прэзентаваў вобраз спартыўнага прэзідэнта — чалавека, які знаходзіцца ў добрай фізічнай форме. Сённяшнія праблемы са здароўем моцна бʼюць па такім вобразе.

Цяпер што б улады ні рабілі, што б ні казаў Лукашэнка, праблемы са здароўем будуць актыўна абмяркоўвацца і ў асяроддзі наменклатуры, і ў асяроддзі грамадства, і ў асяроддзі яго прыхільнікаў. Бо моцны кантраст паміж тым, як Лукашэнка выглядае сёння і як яго прэзентавалі 28 гадоў».

Ці магчымыя палітычныя перамены ў сувязі з пагаршэннем стану здароўя Лукашэнкі

Палітолаг лічыць, што стан здароўя першай асобы наўрад ці прывядзе да нейкіх палітычных перамен.

«Праблема ў тым, што беларуская наменклатура не зʼяўляецца субʼектам палітыкі ў Беларусі. У ёй практычна адсутнічаюць гарызантальныя сувязі. Яна не можа сама сябе абмеркаваць — сваё ўласнае становішча, сваю ролю, не можа пераўтварыцца ў субʼект, не можа сфармаваць свае ўласныя інтарэсы, якія адрозніваюцца ад інтарэсаў Лукашэнкі.

Лукашэнка вельмі ўдала разбураў магчымасці стварэння нейкіх кланаў, нейкіх гарызантальных сувязяў. У Беларусі няма інстытутаў, дзе б наменклатура магла абмяркоўваць сама з сабою сваё становішча, свае інтарэсы. Нават абараніць свае інтарэсы яна не можа, бо прадстаўнікоў наменклатуры рэгулярна садзяць у турму.

У Беларусі няма парламента, партыі ўлады. Лукашэнка ўдала разбурае такія інстытуты. Таму казаць пра нейкія палітычныя дзеянні ў сувязі з яго хваробай нельга. Хіба што сітуацыя можа развіцца ў вельмі дрэнны бок у плане здароўя. Тады магчымыя больш актыўныя дзеянні».

«Цяпер беларускія прапагандысты пачнуць актыўна абмяркоўваць праблемы са здароўем Байдэна», — дзеліцца сваім прагнозам палітолаг.

Якім палітолаг бачыць развіццё сітуацыі ў выпадку смерці Лукашэнкі?

На думку Карбалевіча, у такіх персаналісцкіх рэжымах, які сёння ёсць у Беларусі, сыход ад улады першай асобы, як правіла, выклікае палітычны крызіс:

«Адна рэч, як механізм прапісаны ў Канстытуцыі, другая рэч, як гэта будзе працаваць на практыцы. Тым больш, што ў новай рэдакцыі Канстытуцыі не да канца зразумела, хто павінен браць уладу — ці Рада бяспекі, ці старшыня Савета Рэспублікі.

Могуць узнікнуць супярэчнасці і канфлікты менавіта з-за таго, як трактаваць гэтую сітуацыю, бо любы сыход з жыцця чалавека можна прадставіць як ненатуральны. На такой падставе сілавікі могуць узяць уладу. Лукашэнка сам заклаў у новую Канстытуцыю міну, якая можа ўзарвацца».

Якім будзе палітычны рэжым пасля Лукашэнкі?

Карбалевіч лічыць, што пасля таго, як Лукашэнка па нейкіх прычынах адыдзе ад улады, палітычны рэжым у Беларусі абавязкова трансфармуецца.

«Бо існуючы рэжым Лукашэнка ствараў пад сябе. І замяніць яго на гэтай пасадзе немагчыма», — адзначае палітолаг.

На яго думку, трансфармацыя будзе ісці ў бок лібералізацыі, дэмакратызацыі, нармалізацыі адносін з Захадам: «Менавіта на гэтай аснове можна неяк легітымізаваць уладу. Бо сёння палітычны маятнік так моцна закручаны ў адзін бок, што непазбежнае яго вяртанне ў нейкую норму, ці, нават, паварот у іншы бок проста па законах механікі. Таму трансфармацыя палітычнага рэжыму непазбежная».

На погляд палітолага, Лукашэнка гэта разумее і баіцца сыходзіць: «Ён разумее, што без яго рэжым непазбежна будзе мяняцца. І спрабуе гэта неяк прадухіліць. Як гэта зрабіць, ён не ведае. Адзінае зразумелае для яго выйсце — знаходзіцца пры ўладзе да самага канца. Іншых варыянтаў ён не прадугледжвае».

Пра што сведчыць сітуацыя на мяжы Беларусі з Расіяй?

На погляд палітолага, рашэнне аб увядзенні кантролю з беларускага боку на мяжы сведчыць пра тое, што Лукашэнка разумее, што ў Расіі адбываюцца нейкія даволі непрыемныя для яго і для Пуціна падзеі.

«Фактычна вайна прыйшла на тэрыторыю Расіі. Пастаянна адбываюцца выбухі, дыверсіі. Лукашэнка інстынктыўна спрабуе ад усяго гэтага адгарадзіцца, зачыніцца, схавацца. Каб крызіс, які набліжаецца ў Расіі, не перакінуўся на Беларусь».

Адносна заявы Церцеля аб прадухіленні тэрарыстычнага акту

Карбалевіч адзначае, што ён бы не звяртаў на гэта асаблівай увагі, бо інфармацыя не зʼяўляецца дакладнай і падрабязнай.

«У Церцеля такая функцыя — пужаць грамадства, наменклатуру нейкімі тэрактамі і змовамі, замахамі. І паказваць, як эфектыўна працуе яго структура. Калі ён не будзе гэтага рабіць, то будуць рабіць іншыя. У такіх сітуацыях усе кіраўнікі сілавых ведамстваў імкнуцца даказаць сваю запатрабаванасць, эфектыўнасць», — заўважае палітолаг.

Што паказаў парад на 9 Мая ў Маскве

На погляд эксперта, калі год таму, праз два з паловай месяцы пасля пачатку вайны, быў парад Перамогі, усе чакалі ад выступу Пуціна нейкіх вельмі важных заяваў. Але не дачакаліся. Гэтым разам ніхто асабліва нічога не чакаў. Яго выступ — наратывы расійскай афіцыйнай прапаганды. Адзінае, што нечакана, — зʼяўленне на Краснай плошчы кіраўнікоў краін СНД.

«Яшчэ 29 красавіка прэс-сакратар Пуціна заяўляў, што нікога на парад не запрашаюць, бо гэта не юбілейная дата. А затым, за два—тры дні да свята вырашылі мабілізаваць прыезд кіраўнікоў у Маскву. Прычым гэтым займаўся персанальна сам Пуцін.

Як ён угаворваў, што спрацавала — бізун ці пернік, пытанне, але гэта зʼяўляецца дыпламатычнай перамогай. Бо людзі, якія прыехалі на святкаванне, ускосна падтрымалі Расію ў вайне», — выказвае свой погляд Карбалевіч.

Чытайце яшчэ:

Што за «акцёры» здымаліся ў фільме АНТ пра «тэракт» на 9 Мая? Расказваем

«Шапнулі, што падхапіў заразу». Што беларускія і расійскія прапагандысты напісалі пра стан Лукашэнкі

Каментары14

  • mikola
    11.05.2023
    Sto vy jago tak rana haronice? Takija zyvuc pa 100 god i nijaki *praklon* ni bjare.......Haceu by pamylicca......
  • даведка
    11.05.2023
    Макей слетал на самолёте и через несколько дней скоропостижно скончался... Лукашенко повторяет его судьбу.
  • Ёсік
    11.05.2023
    Так, хто б ня быў Лукашэнка, але гэта жывая істота, таму і захварэць можа, і нагу зламаць, і храбетнік, калі не перастане па лёдзе соўвацца. Але на гэта павінна эйсмант рэагаваць - так, захварэў, але ідзе на папраўку. А так маўчаць самім даражэй - вунь як глыбока языкі яму ў дупу пазасоўвалі Гайдукевіч, азаронак ды іншыя плявузгалы. Сам потым скажа, што яго ўкраінскія баявыя камары па кусалі, трохі захварэў. Здаецца, калі чканае, дык сам павінен аб гэтым сказаць. Вось што робіць абсалютная ўлада - усё сам, астатнія недарэкі рукасракія.

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Зніклага ў Польшчы беларуса знайшлі ў Варшаве збітым і без дакументаў9

«Вада пранікла ўнутр, запоўніла салон мне па пояс, рукі трэсліся». Хто тая дзяўчына з запамінальнага фота мінскага патопу3

У Беларусі пачалася перадвыбарчая агітацыя за Лукашэнку ФОТАФАКТ30

Сусветныя цэны на каву б'юць рэкорды. Кошт вашага латэ пад пагрозай5

Ватыкан прызначыў лідскага ксяндза Андрэя Зноска біскупам. Роўна год таму яго затрымлівалі сілавікі

Стала вядома, у чым падазраюць Рамашэўскую, Дзікавіцкага і іншых топ-менеджараў «Белсата»19

У Італіі журналістку аштрафавалі за жарты пра рост прэм'ер-міністра Мелоні — гэта палічылі бодышэймінгам1

Як беларусам ездзіць праз мяжу на аўто, зарэгістраваных у ЕС, калі беларускія нумары акажуцца пад поўнай забаронай4

«Не хочуць разумець, што гэта вайна!» Лукашэнка выказаў прэтэнзіі пацярпелым ад буры25

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →