Эканоміка77

Безлімітныя: для пакалення 20-гадовых не праблема, калі сціраюцца межы між працай і асабістым жыццём 

Пакаленне 20-гадовых разбурае стэрэатып, што моладзь не хоча цяжка працаваць. Яны працуюць безлімітна, ствараюць бізнэсы і аднімаюць пасады ў сваіх старшых калег. 

Young generation

Многія людзі старэйшага пакалення, у тым ліку і Аляксандр Лукашэнка, які нядаўна выказаўся, што моладзь не хоча працаваць, мяркуюць, што «зумеры» — ці прадстаўнікі пакалення, народжанага паміж 1997 і 2012 гадамі, — народ лянотны і не перапрацуецца. Аднак гэта не зусім так.

Упартасць, мэтанакіраванасць і адказнасць могуць быць уласцівыя зумерам так жа, як і прадстаўнікам папярэдніх пакаленняў. Але ёсць у так званага «пакалення Z» і свае адметнасці.

  • «Зумеры» — першае пакаленне, якое з малых гадоў жыве ў лічбавым свеце. Таму большасць з іх даюць рады з гаджэтамі і сацыяльнымі сеткамі, умеюць фільтраваць лічбавую інфармацыю і арыентуюцца ў найноўшых тэхналогіях. Гэта дае ім вялізную канкурэнтную перавагу.
  • Паводле апытання, праведзенага Press Club Belarus сярод медыяменеджараў незалежных беларускіх смі, 50% рэспандэнтаў заўважылі, што для зумераў — праца не на першым месцы. 37,5% з гэтым не пагадзіліся, астатнія менеджары адказалі, што не ведаюць. Пры гэтым шматлікія сусветныя медыя адзначаюць тэндэнцыю, паводле якой пакаленне Z не прывязанае да працы так моцна, як больш сталыя генерацыі. Зумеры могуць страціць працу, але не будуць наконт гэтага пераймацца, бо лёгка знаходяць іншую. Ясна, што гэта наўпрост звязана і з маладосцю людзей, якія не маюць крэдытаў і ні да чаго не прывязаныя, але, як слушна адзначылі ўдзельнікі апытання, «зразумець, чаго хочуць зумеры, часта складаней, чым зразумець, чаго хочуць іх больш сталыя калегі».
  • Менеджары і рэкрутары кажуць, што аддаленая праца перашкаджае маладым работнікам знайсці настаўнікаў і асвоіць прафесійныя нормы ў офісе. У выніку многім з гэтых маладых работнікаў не хапае кемлівасці, прафесійных сувязяў і зносін з кліентамі і калегамі.
  • Многія 20— і 30-гадовыя маюць больш высокі ўзровень стрэсу, чым іншыя супрацоўнікі. Каля паловы той жа мэтавай групы кажуць, што жывуць ад заробку да заробку і, такім чынам, у іх няма адчування фінансавай бяспекі.
  • Дыплом зумераў — не гарантыя іх прафесіяналізму. Але
яны шмат чаму здольныя навучыцца непасрэдна на месцы і наогул маюць цікавасць да адукацыі, розных трэнінгаў, у тым ліку анлайнавых.
  • Маладое пакаленне не бачыць сэнсу ў тым, каб строга прытрымлівацца пяцідзённага тыдня ў офісе (вядома, калі гэта не праца па графіку ці з кліентамі).
Працоўныя задачы можна выконваць адкуль заўгодна, а графік можа быць гнуткім. Для пакалення 20-гадовых не праблема, калі сціраюцца межы між працай і асабістым жыццём — і ў гэтым іх агромністая перавага ў новай эканоміцы.
  • Аўтарытэтныя вертыкалі не так моцна працуюць для зумераў. Найлепшыя адносіны ў іх складуцца з тымі, хто будзе апеляваць да іх як да самакаштоўных асобаў, а не як да «недасведчаных прадстаўнікоў маладога пакалення». Моладзь з новага пакалення не ўспрымае, каб на іх глядзелі зверху ўніз.

Чытайце яшчэ:

Чаму менеджары-міленіялы выгараюць на працы хутчэй за іншых?

10 падарункаў, якімі можна здзівіць міленіяла

Як не хвалявацца і не выгараць. Парады псіхолага прадуктыўнасці, які выкладае амерыканскім вайскоўцам

Каментары7

  • Кацярына
    01.05.2023
    Нават інакш пастаўлю пытанне. НН жа відавочна ў курсе, што Лукашэнка - бяда беларусаў, кат і злачынца. Наколькі этычна прыводзіць яго меркаванне ў артыкуле пра моладзь? Гэта ж не пра яго навіна. Чаму НН лічыць, што 27чытачам мусіць быць цікава меркаванне злачынцы?
  • Казік
    01.05.2023
    Сумнеўна, што гэтую пападыгму мае сэнс ужываць зараз да беларусаў. Па-першае, у нас чымсьці аналагічныя пакаленні прыходзілі са спазненнем год на 10-15 адносна захаду. Па-другое, падзеі з 2020 і зараз уносяць значна большы ўплыў на грамадства, чым гэтыя натуральныя змены генерацый
  • Как-то раз поэт Басё Увидал, что колбасё Подчистую сгрызли мыши, И восплакал о кисё. (С)
    01.05.2023
    Кацярына, смею пред)положить, зная уже немного НН кухни не буду говорить кого)

    что они до сих пор
    робяць стаўку на маладых
    да, шэу? 

Грамадзяніна Германіі прысудзілі ў Беларусі да расстрэлу

Грамадзяніна Германіі прысудзілі ў Беларусі да расстрэлу

Усе навіны →
Усе навіны

У Пінску пенсіянер уцякаў з месца ўчыненага ім наезду і па дарозе падбіў яшчэ дзве машыны

Вядомы блогер набыў кватэру ў Польшчы — вось як гэта ў яго атрымалася20

Байдэн можа выйсці з выбарнай гонкі ўжо на гэтыя выхадныя12

Мінскі хірург выдаў зборнік эстэцкай прозы. Так па-беларуску раней не пісалі

У Драздах збіраюцца завесці плывучыя альтанкі3

У акупаваным Луганску знеслі помнікі ахвярам сталінскіх рэпрэсій і Галадамору — «па просьбах ветэранаў»8

У Быхаве для патрыятычных акцый прыдумалі пераносны «Вечны агонь» ФОТАФАКТ9

У падземным паркінгу ў Мінску патанулі 14 аўтамабіляў ВІДЭА9

Экс-палітзняволеная Ася Булыбенка апублікавала фота з кнігай Рэмарка — за гэтым хаваецца кранальная гісторыя

больш чытаных навін
больш лайканых навін

Грамадзяніна Германіі прысудзілі ў Беларусі да расстрэлу

Грамадзяніна Германіі прысудзілі ў Беларусі да расстрэлу

Галоўнае
Усе навіны →