Кіно55

«Беларусьфільм» пачаў здымкі блокбастара паводле рамана Караткевіча

У чацвер Нацыянальная бібліятэка ператварылася ў вялікую кінапляцоўку. Тут пачаліся здымкі новага фільма пад працоўнай назвай «Чорны замак». Гістарычны блокбастар рыхтуюць па матывах аднайменнага рамана Уладзіміра Караткевіча, паведамляе СТБ.

Скрыншот відэа СТБ

«Да гэтай ідэі мы даўно падступаліся, разглядалі розныя сцэнары нашых класікаў, разглядалі, што можа быць цікава, як можа быць прапанавана гледачу. І ўрэшце прапанова Глеба Шпрыгава, нашага партнёра, ён жа і аўтар сцэнара. У выніку перамоў мы прыйшлі да меркавання, што гэты праект сапраўды будзе цікавы гледачу, вельмі важны для нашай краіны і мае актуальнасць і цяпер», — кажа гендырэктар «Беларусьфільма» Уладзімір Карчэўскі.

У цэнтры сюжэту — малады прафесар Антон Косміч, які нечаканым чынам быў уцягнуты ў вір дэтэктыўна-містычных падзей XVII стагоддзя. Яму трэба будзе разгадаць таямніцу мінулых тысячагоддзяў. Частка падзей фільма перанесена ў цяперашнія рэаліі.

Аўтар сцэнара Глеб Шпрыгаў расказвае наступнае: 

«Атрымалася, мне здаецца, зрабіць версію, у якой тыя пяць часавых пластоў, якія існуюць у сцэнары, зведзены да двух. І адзін з іх — гэта наш час. Таму што мне падалося, што сама кніга не старэе, яна досыць сучасная. І мне было цікава ўбачыць гэта ў нашых рэаліях, з нашымі героямі, з маладымі людзьмі. І другая задача — тое, што мы першапачаткова хацелі зрабіць кіно для кінатэатральнага пракату, а гэта азначае, што галоўная аўдыторыя там ад 12 да 35 гадоў. І, вядома, гэтым людзям цікава глядзець пра сябе».

На «Беларусьфільме» ўжо здымалі карціну паводле рамана Караткевіча. Гістарычны дэтэктыў выйшаў на экраны ў 1984 годзе. Тады ўсе натурныя здымкі прайшлі за межамі краіны.

Гэтым разам здымаць будуць у Беларусі. Маршрут пабудаваны з трох дзясяткаў лакацый. У кадры пакажуць многія архітэктурныя помнікі: касцёл Святой Веранікі ў вёсцы Селішча, сядзібу Чапскіх у Прылуках, Мірскі замак.

Выхад фільма запланаваны на наступны год.

Каментары5

  • Kind
    28.04.2023
    Не дарослі лукашысты да Караткевіча.
  • Gorliwy Litwin
    28.04.2023
    Калі фільм выйдзе, дык будзе яшчэ круцейшы й нацыянальнейшы чым Анастасія Слуцкая
    а пакуль што, канешне, Анастэйша руллз
  • Анемпадист
    28.04.2023
    Gorliwy Litwin, без тебя ничего национального и быть не может. Ты сам национальный из всех возможных национальных ;)

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Усе навіны →
Усе навіны

Мінпрацы абяцае беларусам бонусы за пераезд у вёску8

У канале ГУБАЗіКа з’явілася дзіўнае сцвярджэнне пра адміна «Беларускага Гаюна»3

УСУ пачалі новы наступ на Курскім кірунку 

Хлопец падняў дзяўчыну на рукі, упаў — і апынуўся на інвалідным вазку. Але не здаецца1

У ПВТ з'явілася 48 новых рэзідэнтаў, 15 — з замежным капіталам3

Сілавікі затрымалі не толькі брата палітычнага эмігранта з Гомеля, але і яго бацьку1

Падлетку са Жлобіна далі хатнюю хімію за тое, што сарваў дзяржаўны сцяг2

Азербайджан спыніў у краіне дзейнасць «Рассупрацоўніцтва»9

Лукашэнка заявіў пра ўзмацненне паўнамоцтваў мясцовай улады ў дачыненні да прыватнага сектара9

больш чытаных навін
больш лайканых навін

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Галоўнае
Усе навіны →

Заўвага:

 

 

 

 

Закрыць Паведаміць