У Мелітопалі падарвалі аўтамабіль прарасійскага кіраўніка размешчанай непадалёк вёскі
У Мелітопалі выбухнуў аўтамабіль на вуліцы Багдана Хмяльніцкага, паведамляюць мясцовыя акупацыйныя «улады». Пацярпеў прызначаны расіянамі кіраўнік адміністрацыі пасёлка Акімаўка Мелітопальскага раёна Максім Зубараў.

Аўто Максіма Зубарава пасля выбуху. Скрын відэа
Гэтае паведамленне таксама пацвердзіў мэр Мелітопаля Іван Фёдараў.
«Ён пайшоў на супрацоўніцтва з ворагам адным з самых першых і ўзначальваў так званую Акімаўскую адміністрацыю. У Зубарава заўсёды былі праблемы з выбарам правільнага шляху, так што і гэтым разам ён апынуўся не ў тым месцы не ў той час», — піша Фёдараў.
Папярэдне, Зубарава ў цяжкім стане даставілі ў бальніцу.
Каментары