Свет

Прэзідэнтам Чарнагорыі абраны Якаў Мілатавіч. Ён перамог Міла Джуканавіча, які кіраваў краінай больш за 30 гадоў

Пасля другога тура прэзідэнцкіх выбараў у Чарнагорыі перамогу атрымаў былы міністр эканомікі Якаў Мілатавіч. Такім чынам, краіну больш не будзе ўзначальваць яго сапернік — дзейны прэзідэнт Міла Джуканавіч, які з невялікімі перапынкамі кіраваў Чарнагорыяй з 1991 года, піша BBC.

Па даных Цэнтра па маніторынгу і даследаванням (CEMI), Мілатавіч атрымаў больш за 60% галасоў.

37-гадовы Мілатавіч зʼяўляецца адным з заснавальнікаў правацэнтрысцкага руху «Еўропа цяпер» і займае пасаду намесніка яго лідара.

У перадвыбарныя абяцанні Мілатавіча ўваходзіла барацьба з карупцыяй, паляпшэнне ўзроўню жыцця і курс на ўступленне Чарнагорыі ў ЕС.

Пры гэтым, як перадае карэспандэнт Бі-бі-сі на Балканах, яго падтрымліваюць партыі, блізкія да Сербіі, Расіі і праваслаўнай царквы.

У нядзелю вечарам Джуканавіч прызнаў паражэнне і павіншаваў свайго саперніка з перамогай.

Па даных CEMI, яўка выбаршчыкаў склала каля 70%. Чакаецца, што дзяржаўная выбарчая камісія абʼявіць афіцыйныя вынікі ў найбліжэйшыя дні пасля таго, як будуць разгледжаныя ўсе скаргі на парушэнні падчас галасавання, калі такія будуць пададзеныя.

За час сваёй палітычнай карʼеры Джуканавіч прывёў Чарнагорыю да сяброўства ў НАТА ў 2017 годзе, а таксама да статусу кандыдата на ўступленне ў Еўрапейскі саюз.

Пасля расійскага ўварвання ва Украіну Чарнагорыя далучылася да санкцый, уведзеных ЕС супраць Крамля, і выслала некалькі расійскіх дыпламатаў. Расія ўключыла Чарнагорыю ў лік недружалюбных краін.

Пры гэтым палітычныя супернікі неаднаразова абвінавачвалі Джуканавіча і яго партыю ў карупцыі, сувязях з арганізаванай злачыннасцю і ў тым, што ён кіруе рэспублікай, як сваёй асабістай вотчынай. Усе гэтыя абвінавачанні ён заўсёды адмаўляў.

Падчас перадвыбарнай кампаніі Джуканавіч таксама ставіў пад пытанне здольнасць Мілатавіча прывесці Чарнагорыю ў ЕС і казаў, што ён можа быць падвергнуты ўплыву прасербскіх сіл.

Чытайце таксама: 

У Фінляндыі прайшлі парламенцкія выбары. Прэм'ерка Сана Марын сыдзе з пасады

Каментары

Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску19

Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску

Усе навіны →
Усе навіны

Бяздомны-эрудыт, які знік у Гомелі, знайшоўся ў рэанімацыі. Ён вядомы па блогу папулярнага тыктокера5

ХАМАС перадаў чарговых трох закладнікаў Ізраілю4

Васьмікласнік выпіў на ўроку моцнае снатворнае «для дарослых» і заснуў2

Як будуць выглядаць новыя станцыі метро на ўчастку ад «Пярэспы» да станцыі «Парк Дружбы народаў» ФОТА8

Эдуарда Бабарыку зноў будуць судзіць за «непадпарадкаванне адміністрацыі». Аказваецца, ён у турме ў Ваўкавыску3

Навукоўцы прыдумалі, як зварыць ідэальнае яйка. Але гэты метад можа вам не спадабацца6

Пазняк: Вызваленне Паліны Шарэнды-Панасюк — гэта гучнае сведчанне аб гатоўнасці да перамоваў з Еўрасаюзам128

Беларускага байца ММА ў Польшчы абвінавачваюць у збіцці. Яму пагражае да 20 гадоў2

«Каб апынуцца ў бамбасховішчы, у цябе 6 секунд». Беларуска распавяла пра валанцёрства ў Ізраілі, у тым ліку побач з Газай10

больш чытаных навін
больш лайканых навін

Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску19

Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску

Галоўнае
Усе навіны →

Заўвага:

 

 

 

 

Закрыць Паведаміць