Свет88

Насуперак чаканням Пуцін не прыехаў у аэрапорт асабіста сустрэць «дарагога сябра» Сі

Старшыню КНР Сі Цзіньпіна ў аэрапорце «Унукава-2» сустрэў віцэ-прэмʼер Дзмітрый Чарнышэнка. Перад візітам некаторыя СМІ напісалі, што ў аэрапорт можа прыехаць асабіста Уладзімір Пуцін. Гэта магло стаць першым падобным выпадкам з 2004 года, калі Пуцін прыязджаў сустракаць канцлера Нямеччыны Герхарда Шродэра, звярнуў увагу канал «Агентство. Новости».

 Старшыню КНР Сі Цзіньпіна ў аэрапорце «Унукава-2» сустрэў віцэ-прэмʼер Дзмітрый Чарнышэнка. Кадр з відэа

Апошнім замежным лідарам, якога Пуцін асабіста сустракаў у аэрапорце, быў Шродэр, які прылятаў у Маскву ў 2004 годзе. А ў 2003 годзе Пуцін вітаў у аэрапорце Сочы экс-прэзідэнта ЗША Джорджа Буша-старэйшага з жонкай.

Пазней Пуцін як мінімум тройчы сустракаў замежных лідараў у аэрапорце ў рамках тэхнічных пасадак у Маскве.

У снежні 2004 года ён правёў ва Унукава-2 перамовы з прэзідэнтам Украіны Леанідам Кучмам. У 2006 годзе Пуцін з жонкай сустрэў прэзідэнцкую пару Бушаў (Джорджа Буша-малодшага і Лору Буш), чый самалёт сеў ва «Унукава-2» для дазапраўкі на шляху з Вашынгтона ў Сінгапур. Пуціны і Бушы правялі кароткі нефармальны сняданак ва ўрадавым аэрапорце, пасля чаго амерыканскі борт нумар адзін вылецеў з Масквы.

У 2014 годзе Пуцін правёў кароткую сустрэчу ва «Унукава-2» з прэзідэнтам Францыі Франсуа Аландам. Яго самалёт прызямліўся ў расійскім аэрапорце, калі французскі лідар вяртаўся з Казахстана.

У 2013 годзе Пуцін адкрываў Чыгуначны вакзал у Адлеры разам з кіраўніком МАК Томасам Бахам. Перад цырымоніяй расійскі прэзідэнт сустрэў Баха ў аэрапорце Сочы.

Сі Цзіньпін і Уладзімір Пуцін выкарыстоўваюць у дачыненні адзін да аднаго абарот «дарагі сябар». Аднак, мяркуючы па тым, што Пуцін не стаў асабіста сустракаць Сі ў аэрапорце, гэтыя сяброўскія стасункі адрозніваюцца ад тых, што звязваюць расійскага прэзідэнта з яго сапраўднымі сябрамі, сярод якіх Герхард Шродэр.

Як паведаміў журналістам прэс-сакратар прэзідэнта РФ Дзмітрый Пяскоў, сустрэча Уладзіміра Пуціна і Сі Цзіньпіна адбудзецца каля 16:30. Гэта будзе гутарка сам-насам, якая працягнецца за нефармальным абедам.

Афіцыйныя расійска-кітайскія перамовы запланаваныя на 15:00 21 сакавіка. Акрамя двухбаковых пытанняў, лідары РФ і КНР абмяркуюць план мірнага ўрэгулявання ва Украіне, прапанаваны Пекінам.

Каментары8

  • +-+-+
    20.03.2023
      ...не прыехаў у аэрапорт асабіста сустрэць «дарагога сябра»

    Из последних сил корчит из себя царя. Крайне жалкий тип.
  • ром
    20.03.2023
    Па такой логике Буш быу другим лепшым сябрам??
  • Кронас
    20.03.2023
    Во сыкун бункерны

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй22

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй

Усе навіны →
Усе навіны

Лукашэнка заявіў, што Украіна здымала з фронту самыя баяздольныя часткі і адпраўляла іх на мяжу Беларусі5

Еўрасаюз спыняе закупкі мэблі з Беларусі5

На «Славянскім базары» па даносе затрымалі дзяўчыну з татуіроўкай «х*й вайне»14

Ксёндз Анджэй Юхневіч: Мяне могуць за гэта судзіць, але я хачу публічна выказаць салідарнасць з братамі-ўкраінцамі5

У Белавежскай пушчы маланка разарвала 200-гадовы дуб ВІДЭА1

Расія выкарыстоўвае для перавозу пяхоты гольф-кары і беларускія матацыклы. Ад гэтага страты растуць11

Алімпіяду-2024 у Беларусі не пакажуць7

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю14

Жыхары Мазыра сталі ў гіганцкую чаргу, каб падзарадзіць тэлефоны ВІДЭА5

больш чытаных навін
больш лайканых навін

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй22

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй

Галоўнае
Усе навіны →