Культура77

«Навальны» стаў найлепшым дакументальным фільмам, «Усё ўсюды і адразу» атрымаў сем «Оскараў», у тым ліку за найлепшы фільм

У Лос-Анджэлесе прайшла 95-я цырымонія ўручэння ўзнагарод Амерыканскай кінаакадэміі. «Оскар» за найлепшы фільм атрымаў «Усё ўсюды і адразу» рэжысёраў Дэна Квана і Дэніэла Шайнерта.

 Фота: landonnordeman / Instagram

Дэн Кван і Дэніэл Шайнерт, якія знялі «Усё ўсюды і адразу», таксама атрымалі ўзнагароду за найлепшую рэжысуру і сталі ўладальнікамі «Оскара» за найлепшы арыгінальны сцэнар.

Найлепшым акцёрам стаў Брэндан Фрэйзер, які сыграў у фільме «Кіт» рэжысёра Дарэна Аранофскі.

Найлепшая актрыса — Мішэль Ёў за «Усё ўсюды і адразу».

Прэмію Кінаакадэміі за найлепшыя жаночую і мужчынскую ролю другога плана атрымалі Джэймі Лі Керціс і Ке Хюі Куан, якія сыгралі ў фільме «Усё ўсюды і адразу». Яшчэ адзін «Оскар» у гэтага фільма ў намінацыі «Найлепшы мантаж» (Пол Роджэрс).

«Оскар» за найлепшы замежны фільм атрымаў «На Заходнім фронце без змен» рэжысёра Эдварда Бергера. Таксама гэты фільм перамог у намінацыях «Найлепшая аператарская работа» (Джэймс Фрэнд) і «Найлепшы арыгінальны саўндтрэк» (Фолькер Бертэльман).

У намінацыі «Найлепшы адаптаваны сцэнар» перамагла Сара Полі з «Гавораць жанчыны».

Найлепшым дакументальным фільмам названы «Навальны» рэжысёра Дэніэла Роэра. На цырымоніі прысутнічалі жонка Навальнага Юлія, дачка Дарʼя і сын Захар.

Найлепшым поўнаметражным анімацыйным фільмам назвалі «Пінокіа Гільерма дэль Тора».

Найлепшым дакументальным кароткаметражным фільмам стала праца «Заклінальнікі сланоў» Карцікі Гансалвеса і Гуціт Монгі з Індыі.

«Оскар» за найлепшую песню атрымала «Naatu Naatu» (М. М. Кіравані, Chandrabos) з індыйскага фільма «RRR: Побач раве рэвалюцыя». У гэтай намінацыі, у ліку іншых, былі працы Рыяны і Лэдзі Гагі.

«Аватар: Шлях вады» Джэймса Кэмерана і «Топ Ган: Мэверык» Джозэф Касінскі атрымалі па адным «Оскары» — за найлепшыя візуальныя эфекты і найлепшы гук адпаведна.

Узнагародай Кінаакадэміі таксама была адзначана «Чорная Пантэра: Ваканда навекі», ёй дастаўся «Оскар» у намінацыі «Найлепшы дызайн касцюмаў».

«Трохкутнік смутку» Рубена Эстлунда, які атрымаў «Залатую пальмавую галіну» Канскага кінафестывалю, «Элвіс» База Лурмана, «Баншы Інішэрына» Марціна Макдона, «Тар» Тода Філда і «Фабельманы» Стывена Спілберга засталіся без узнагарод.

«Усё ўсюды і адразу» быў лідарам па колькасці намінацый на «Оскар» — фільм прэтэндаваў на ўзнагароды Кінаакадэміі ў 11 катэгорыях. У «На Заходнім фронце без змен» і «Баншы Інішэрына» было па дзевяць намінацый, у «Элвіса» — восем, у «Фабельманаў» — сем.

Каментары7

  • Чулы
    13.03.2023
    А про Ассанжа фильм снимут? Или ни-за?
  • Заключение экспертной комиссии
    13.03.2023
    кИНОМАН, возможно вы не под тем углом смотрели, или преамбулу не пресекли. Да и от жизни отстать могли, что не исключается. Вобщем-то, это основные варианты, наиболее распространённые.
  • акорд
    13.03.2023
    Заключение экспертной комиссии, так-так. Не ведаў ён як мост будаваць -- ўздоўж ці ўпоперак

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму3

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Усе навіны →
Усе навіны

На БТ запусцілі шоу «Добры вечар!» Госця першага выпуску — зорка расійскага шансона Віка Цыганова20

Стрыжак расказаў, як яго вербавалі спецслужбы25

Ізраіль нанёс удары па Емене «пасля дзевяці месяцаў бесперапынных нападаў»8

Зорка тыктоку Ліза Ветрава закрывае свой папулярны блог пра беларускую мову18

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў63

Рэдактар глыбоцкай раёнкі напісаў пра смецце ў горадзе, а пасля зразумеў, што падыгрывае «ворагам»14

«Яны кругласутачна стаяць?» На Нямізе людзі выстраіліся ў аграмезную чаргу — вось навошта ВІДЭА20

Кіеў атакаваў нейкі таямнічы дрон-камікадзэ. Што за ён?1

Былая беларуская спартсменка ўжо другі раз за жыццё памяняла спартыўнае грамадзянства9

больш чытаных навін
больш лайканых навін

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму3

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Галоўнае
Усе навіны →