У Вілейскім раёне ўвечары 7 сакавіка адбыўся выбух у фургоне аўталаўкі, прыпаркаваным каля прыватнага жылога дома ў аграгарадку Даўгінава. Пажар пасля выбуху не адбыўся, паведамляе Мінскае абласное ўпраўленне МНС.
Фота ілюстрацыйнае
Калі гэта адбылося, гандаль у аўтафургоне не вёўся, таму ніхто падчас здарэння не пацярпеў. Быў толькі разбураны фургон, пашкоджаныя гандлёвае абсталяванне і тавар.
Таксама пэўныя пашкоджанні атрымалі жылы дом і гаспадарчыя пабудовы, якія знаходзіліся побач, у прыватнасці, у іх павылятала шкло ў вокнах.
Абставіны выбуху цяпер высвятляюць спецыялісты.
Каментары