Чэшская паліцыя расследуе крадзеж племяннога скакуна англійскай пароды са стайні ў вёсцы Крабчыцы на паўночным усходзе краіны, паведамляе РБК. Сама гісторыя была б даволі банальная, каб не прозвішча ўладальніка жарабца.
Партал Jezdci перадае, што 16-гадовы гняды жарабец па мянушцы Зазу належыць кіраўніку Чачні Рамзану Кадыраву.
Зазу ў свой час быў уключаны ў маёмасць Рамзана Кадырава, замарожаную ў Чэхіі пасля ўвядзення супраць яго санкцый яшчэ ў 2014 годзе. Набыў жа каня кіраўнік Чачні за два гады да таго.
Тое, што конь сапраўды ўключаны ў маёмасць Кадырава, замарожаную ў Чэхіі ў рамках міжнародных санкцый, пацвердзіў прадстаўнік дэпартамента знешніх сувязяў і камунікацый Міністэрства фінансаў Мікулаш Халас. Аднак дадатковую інфармацыю пра расследаванне крадзяжу ён даць адмовіўся.
Па звестках паліцыі, каня выкралі ў ноч на 4 сакавіка. «Злодзей зняў з рассоўных дзвярэй ланцуг з карабінам і вывеў племяннога жарабца», — паведаміла прадстаўніца паліцыі Паўла Кофрава.
Каштуе конь амаль 400 тыс. чэшскіх крон, гэта каля 19 тыс. даляраў. За сваё жыццё жарабец удзельнічаў у 36 спаборніцтвах, выйграў з іх 9 і зарабіў 1,2 млн даляраў.
«Сяргей» не адзін. Вось як КДБ прапануе зарабіць на сачэнні за беларускімі эмігрантамі2
Каментары