Грамадства22

У Жабінцы будуць разганяць варон стрэламі з гарматы

Камунальнікі Жабінкі прыдумалі выкарыстоўваць для барацьбы з вялізнымі чародамі чорных варон прапанавую гром-гармату, піша газета «Вечерний Брест». Усе іншыя, менш радыкальныя спосабы імі ўжо выпрабаваныя і не далі вынікаў.

«Дагледжаны і абноўлены гарадскі парк плошчай 18 га — гонар Жабінкі. Але чароды чорных птушак, якія таксама аблюбавалі гэтае ўтульнае месца, прыносяць масу нязручнасцяў гасцям парку і мноства праблем камунальнікам», — паведамляе выданне, падкрэсліваючы, што ніводзін з выпрабаваных раней работнікамі ЖКГ спосабаў не даў выніку.

Што толькі тыя камунальнікі ні рабілі: яны і абразалі галіны дрэў над лаўкамі і іншымі аб'ектамі ў парку, і перыядычна здымалі гнёзды з дапамогай аўтавышкі. Заўважыўшы, што вароны чамусьці не любяць гнездавацца на мясцовых ліпах, замест старых і ссечаных дрэў яны зараз імкнуцца высаджваць менавіта ліпу.

У мінулым годзе ў парку была выстаўлена пара гукавых адпужвальнікаў, якія імітавалі крумканне крумкача, крык сокала і ястраба. Але дзейнічала гэта толькі часова. «Вядома, спачатку вараннё ў спалоху спешна пакідала наседжаныя месцы. Але разумныя птушкі хутка дапетрылі, што за пагрозлівымі крыкамі ніякай рэальнай небяспекі няма, а таму больш не звярталі на адпужвальнікі ніякай увагі. Хутчэй недасведчаныя наведвальнікі парку прыкметна насцярожваліся і нерваваліся. І вось прыйшоў час цяжкай артылерыі», — піша газета.

Перанасная прапанавая гром-гармата выдае магутны гук, які нагадвае стрэл з гарматы ці раскат грому — адсюль і назва. Гучнасць гуку дасягае 119 дэцыбел.

Усё дзякуючы таму, што прапан запампоўваецца ў канал ствала і падпальваецца з дапамогай іскры.

Залп халасты і ніякай фізічнай шкоды птушкам не наносіць, але вельмі моцна палохае на плошчы да 1,5 га, пры гэтым дальнабойнасць гукавых хваляў дасягае 1 км. Калі гармату змясціць на спецыяльную стойку, то за кошт кругавога абстрэлу плошча абароны вырасце да 7 га. «Таму, дзякуючы мабільнасці прылады, пад абаронай гарматы зможа аказацца ўвесь парк», — адзначае выданне.

Жабінкаўская ЖКГ загадзя папярэджвае жыхароў райцэнтра, каб не палохаліся гучных воплескаў у гарадскім парку і скверы каля вакзала. Пачаць прымяняць «цяжкую артылерыю» плануюць ужо ў сакавіку.

Каментары2

  • Х
    27.02.2023
    Следующий этап борьбы по лукашистски, спилить все деревья.
  • Pan Cebulski
    28.02.2023
    В действительности они занимаются ерундой. Поскольку среди всех птиц в городе самые вредные и опасные это голуби. Особенно подвержены заражению те, кто кормит их с рук и находится в стае. Почитайте сами про орнитоз и описторхоз. А эти заболевания являются вечными спутниками голубей. Голуби переносят около 90 возбудителей разных болезней, из них около 10 зоонозов - заболеваний, передающихся человеку (сальмонеллез, токсоплазмоз, орнитоз, туляремия, псевдотуберкулез).

Расійскі шахед выбухнуў за 55 км ад Бабруйска3

Расійскі шахед выбухнуў за 55 км ад Бабруйска

Усе навіны →
Усе навіны

Латвія хоча наогул забараніць машынам з беларускімі нумарамі перасоўвацца па краіне8

Віцебская сям'я знайшла зніклага сваяка праз 25 год1

Трамп упершыню з'явіўся на публіцы з перавязаным вухам пасля стрэлаў у Пенсільваніі ФОТА1

Беларус, які сарваўся са скалы ў Кабардзіна-Балкарыі, загінуў

«Білі флагштокам, каб роўна стаяў на каленях перад начальнікам», — палітвязень, які мяняў сцягі на бел-чырвона-белыя, расказаў пра зняволенне

Уначы шахед зноў заляцеў у Беларусь1

На Валожыншчыне блаславілі новы помнік на магіле святара, якога забілі камсамольцы ў 1950 годзе1

Што адбываецца з кліматам? Такая спёка летам будзе заўсёды?6

Беларуса затрымалі пасля адпачынку ў Італіі3

больш чытаных навін
больш лайканых навін

Ад заўтра абмежаванні на ўезд аўто з беларускімі нумарамі мае ўвесці Літва

Ад заўтра абмежаванні на ўезд аўто з беларускімі нумарамі мае ўвесці Літва

Галоўнае
Усе навіны →