Паводле інфармацыі крыніц «Радыё Свабода», затрыманыя 13 студзеня экскурсаводы Іван Сацукевіч і Алесь Варыкіш, выйшлі на свабоду. Сацукевіч адседзеў 15 дзён, Варыкіш — 10.
Іван Сацукевіч і Алесь Варыкіш
13 студзеня сёлета па дарозе ў Семежава на абрад «Калядныя цары» ў Грозаве Капыльскага раёна сілавікі затрымалі вялікую экскурсію — да 80 чалавек, на двух аўтобусах — з гідамі Алесем Варыкішам, Наталляй Жданок і Іванам Сацукевічам.
Ва ўсіх затрыманых праверылі дакументы і тэлефоны. Большасць людзей, акрамя экскурсаводаў, адпусцілі. Пазней стала вядома, што двух экскурсаводаў — Варыкіша і Сацукевіча — затрымалі на 72 гадзіны. Пасля ім прысудзілі «суткі».
На абрад удзельнікі экскурсіі тады не трапілі, бо іх 5 гадзін пратрымалі ў Капылі ў аўтобусе, пакуль правяралі.
Каментары