Грамадства2727

«Ці варта пэцкацца, папулярызуючы гэтую грамадзянку?» Частка прапагандыстаў пайшла вайной на Бондараву

Блогерка Вольга Бондарава ў сваім змаганні з беларускай культурай і «няправільнымі паводзінамі» беларусаў часта пераходзіць на асобы. Пад раздачу трапляюць таксама чыноўнікі з прапагандыстамі. У апошніх, здаецца, лопнула цярпенне.

Вольга Бондарава. Скрыншот з ютуб-канала Бондаравай

Сярод тых, хто наважыўся адкрыта выступіць супраць Бондаравай — старшыня Гродзенскай абласной арганізацыі «Белая Русь» Святлана Вараніца. 

Прэтэнзіі інфаказачкі да некаторых тэатральных спектакляў (ёй падалося, што дзяцей там вучаць талерантнасці да монстраў, а пасля і да «педафілаў і трансгендараў») нават ідэолагу падаліся абсурднымі.

«Што за трызненне запаленай свядомасці? Учора ў абласной філармоніі таксама былі і адмоўныя героі, і каварная замена дабра на зло, і рок-музыка, і лазернае шоу. Дзеці засталіся ў захапленні ад сучаснай, маляўнічай, цікавай пастаноўкі. І, упэўнена, нікому і ў галаву не прыйшло заявіць, што артысты паставілі мэтай прывесці непаўналетніх у шок, а потым, падвергнутым, нешта ім унушыць.

Дык у чым сапраўдная прычына цкавання, якую разгарнула Бондарава ў дачыненні да непаўналетніх, занятых у спектаклі ў ГЦК Гродна?» — абуралася Вараніца.

Тэлевядучая БТ Наталля Бардзілоўская таксама недалюблівае Бондараву. Напрыклад, за тое, што тая кідаецца на чыноўнікаў — прапануе змяніць прэс-сакратара Лукашэнкі ці незадаволеная рашэннямі наверсе.

«Упоратыя тыпу Сергеенкі» — а гэта Бондарава пра кіраўніка Адміністрацыі прэзідэнта.

Ці варта пэцкацца, папулярызуючы гэтую грамадзянку і яе ініцыятывы ці сябе праз яе — хай кожны сам для сябе вырашае.

Я свае высновы і пра яе, і пра тых, хто ёй апладзіруе, зрабіла даўно», — напісала яна ў тэлеграм-канале.

Скрыншот з канала Наталлі Бардзілоўскай

«Папраўдзе, я ўжо стамілася глядзець на тое, як гэты наш пярэварацень гадзіць на нашу краіну і прасоўвае антыдзяржаўныя тэзісы», — наракала яна.

Верагодна, прычынай такой нелюбові паслужыў колішні наезд інфаказачкі на Бардзілоўскую за тое, што тая выказвалася ў сацсетках пра важнасць вывучэння дзецьмі беларускай мовы.

Скрыншот з канала Наталлі Бардзілоўскай

Вядучая АНТ Святлана Карульская таксама падтрымала калег, незадаволеных дзейнасцю гродзенскай актывісткі.

«Мы памятаем, як большасць з нас цкавалі ў 20-м. Мы ўсё гэта перажылі. Для чаго? А для таго, каб нейкая неадукаваная, грубая, павярхоўная жанчына, якая прыкрываецца дзяржсцягам, зноў паставіла гэта на паток.

І за што? За тое, што хтосьці з нас лічыць, што беларуская мова ў Беларусі — гэта нармальна, выкладаць яе ў школе дзецям — гэта нармальна. А вось здзекавацца з мовы, зневажаць яе — ненармальна», — пісала вядучая АНТ, праўда, пасля пост быў выдалены.

Прапагандысты ў канцы года абмяркоўвалі, што Бондарава падала заяву ў міліцыю на журналіста ўстановы Адміністрацыі Лукашэнкі (верагодна, размова пра «СБ. Беларусь сегодня»), аднак яе не задаволілі.

Заўважылі і наезд Бондаравай на журналіста лукашэнкаўскага пула. Бондарава накінулася на Ігара Тура за тое, што той не стаў клейміць Меладзэ (Тур напісаў, што яму ўсё адно, што артысты кажуць, каб быць паспяховымі ў аўдыторыі).

Між сабой праціўнікі «інфаказачкі» называюць яе Бабоша.

Упікалі яны Бондараву і тым, што тая, заступніца маралі, ездзіла ў Брэсцкую крэпасць у міні-шортах, і тым, што дзяржаўны сцяг трымала дагары нагамі, і тым, што Купалу ад Коласа не адрознівае.

Пакуль няясна, хто ў гэтым супрацьстаянні пераможа.

«Наша Нiва» — бастыён беларушчыны

ПАДТРЫМАЦЬ

Каментары27

  • Kotya
    23.01.2023
    Жабогадюкинг какой-то
  • по ходу та еще протестутка
    23.01.2023
    "Упікалі яны Бондараву і тым, што тая, заступніца маралі, ездзіла ў Брэсцкую крэпасць у міні-шортах,"

    прикольно... а это не осквернение? ведь за нечто подобное в россии давно сажают подростков

     "і тым, што дзяржаўны сцяг трымала дагары нагамі,"

    ну а вот это однозначно протест. ну это правда уже не в россии, а в Америке... "В США надругательство над флагом длительное время было запрещено. Так, в Новом Орлеане за уничтожение полотнища был повешен некий Уильям Мамфорд, а гораздо позднее ... есть традиция переворачивать флаг как знак протеста нынешней власти, а также уставам и порядкам"
  • Грышка
    23.01.2023
    Занадта адыёзная нават для прапагандыстаў, гэтая Бондарава — вось і сапраўды адыёзная!

«Я павінен пазваніць нашаму куратару». Як завозілі мігрантаў у Беларусь — цікавыя дэталі з перахопленых тэлефонных размоў4

«Я павінен пазваніць нашаму куратару». Як завозілі мігрантаў у Беларусь — цікавыя дэталі з перахопленых тэлефонных размоў

Усе навіны →
Усе навіны

Ці бяспечна быць «па-за палітыкай»? Гісторыя беларускі, якая ніколі не хадзіла на выбары5

«Падыход такі — патрыятызм». Чым падчас выбараў займаюцца настаўнікі, медыкі і адвакаты6

Успышка захворванняў на вірусны гепатыт А можа быць звязаная з імпартам прадуктаў з Афрыкі5

Пад Гомелем затрымалі фермера і блогера-правакатара Юрыя Ганцэвіча4

Блогер Пятрухін уладкаваўся ў Польшчы дастаўшчыкам ежы25

У Расіі затрымалі «турагентку» з Мінска, якая нібыта абдурыла дзясяткі беларусаў

Тэмпы датэрміновага галасавання нарастаюць: ужо 17,67%9

За два дні датэрміновага галасавання праз выбарчыя ўчасткі прагналі траціну супрацоўнікаў сістэмы МНС2

Пасольства Італіі заўважыла, што за ягонай спінай займаюцца махлярствамі з візамі1

больш чытаных навін
больш лайканых навін

«Я павінен пазваніць нашаму куратару». Як завозілі мігрантаў у Беларусь — цікавыя дэталі з перахопленых тэлефонных размоў4

«Я павінен пазваніць нашаму куратару». Як завозілі мігрантаў у Беларусь — цікавыя дэталі з перахопленых тэлефонных размоў

Галоўнае
Усе навіны →