Свет11

Дочкі Пуціна і беларус, які вучыўся на нелегала ў Акадэміі СВР. У Расіі апублікаванае расследаванне пра канспіратыўныя кватэры

Расійскае выданне The Insider выпусціла расследаванне пра канспіратыўныя кватэры КДБ, якія існуюць з часоў СССР, і як яны выкарыстоўваюцца цяпер.

Фота: vecteezy

За КДБ у Маскве лічыліся сотні канспіратыўных кватэр, дзе хавалі сведак і праводзілі таемныя сустрэчы. Іх называлі «зязюлямі» і афармлялі на неіснуючых людзей альбо на дзяржпрадпрыемствы. Пасля скасавання КДБ большую частку «зязюль» забралі сабе ФСБ і ФСА, а астатнія дасталіся СВР (Службе замежнай выведкі Расіі), паведамляе The Insider.

Па інфармацыі выдання, у канспіратыўных кватэрах СВР жылі дочкі Пуціна — Марыя і Кацярына. Таксама ў некалькіх «зязюлях» хавалі высланых з ЗША расійскіх шпіёнаў, а ў астатніх жывуць слухачы акадэміі СВР, якіх рыхтуюць для працы за мяжой.

Напрыклад, у адной з іх па маскоўскім адрасе: Навінскі бульвар дом 25, кв. 10 (былая вул. Чайкоўскага), калісьці размяшчаўся назіральны пункт КДБ за пасольствам ЗША. Там дзень і ноч дзяжурылі аператыўнікі са спецыяльнай фотаапаратурай, і як толькі нехта з амерыканскіх дыпламатаў сядаў за руль, следам ехала група КДБ. Пасля развалу СССР з 1993 года жылплошча перайшла да знешняй разведкі, а гаспадаром аформілі нейкага Сцяпанава В. А., які не меў ні даты нараджэння, ні пашпарта, ні сваякоў. Там сталі праходзіць таемныя сустрэчы афіцэраў СВР з завербаванымі дыпламатамі з краін Афрыкі, Лацінскай Амерыкі і Блізкага Усходу. 

«У 2010 годзе на ўездзе ў двор паставілі шлагбаум, у кватэры зрабілі шыкоўны рамонт. Неўзабаве з'явіліся жыхары — старэйшая дачка Пуціна Марыя Варанцова і яе галандскі муж Ёрыт Фаасэн. Муж і жонка паміж сабой размаўлялі па-англійску, іх кругласутачна ахоўвалі супрацоўнікі Службы бяспекі прэзідэнта», — расказвае The Insider.

Марыя Варанцова, старэйшая дачка Пуціна. Скрыншот з відэа

А ў іншай «зязюлі» на Масфільмаўскай вуліцы, 17/25 жыла малодшая дачка Пуціна Кацярына Ціханава. Пры СССР канспіратыўная кватэра выкарыстоўвалася для сустрэч з завербаванымі выкладчыкамі РУДН, МДІМА і МДУ, а ўжо пасля перадачы ў СВР гэтую жылплошчу аформілі на Ларыёнава І. М., які таксама не мае даных, дакументаў і біяграфіі.

«Ціханава жыла на Масфільмаўскай зусім нядоўга, неўзабаве яна пераехала ў асабняк недалёка ад рэзідэнцыі Пуціна. Мяркуючы па ўсім, падставай для пераезду паслужылі суседзі-наркаманы і серыя кватэрных крадзяжоў, якія адбыліся ў доме», — піша выданне.

Пра яшчэ адну «зязюлю» на Беражкоўскай набярэжнай, 8 хадзілі чуткі, што ФСБ хавала там перабежчыка з АНБ Эдварда Сноўдэна, якому ў ЗША пагражае 30-гадовы турэмны тэрмін. Як высветліла выданне The Insider, канспіратыўная кватэра знаходзіцца на дзявятым паверсе і выкарыстоўваецца КДБ з 1960-х.

Што яшчэ стала вядома?

Выданню ў тым ліку стала вядома, што ў «зязюлях» пасля развалу СССР у розны час жылі вядомыя расійскія шпіёны, такія, як Ганна Чапман (Кушчанка), палкоўнік СВР Міхаіл Васянкоў, Андрэй Бязрукаў і яго жонка Алена Вавілава (пасля іх выдачы назад у Расію з ЗША, яны паводле ўказа Пуціна былі ўладкаваныя на працу ў энергетычныя кампаніі «Раснафта» і «Нарыльскі нікель») і іншыя.

«Сталі вядомыя адрасы больш за 16 кватэр у розных раёнах Масквы, якія па ўсіх сваіх прыкметах падобныя да «зязюль». Прычым адну з іх на вул. Акадэміка Бачвара абрабавалі, з яе злачынцы вынеслі ноўтбук, цвёрды дыск, набор адкрутак і 5 тысяч рублёў. Пацярпелым аказаўся супрацоўнік КДБ Беларусі Уладзімір Багаслаўскі, які раней вучыўся на «нелегала» ў Акадэміі СВР», — піша The Insider.

Чытать яшчэ:

ЗША ўводзяць санкцыі супраць яшчэ 25 прадстаўнікоў рэжыму

У Расіі Януковічу, Медведчуку і Азараву прапанавалі стварыць урад Украіны ў выгнанні

Урсула фон дэр Ляен паабяцала Расіі «дзесяцігоддзі рэцэсіі» з-за санкцый

Каментары1

  • ЯНКА
    18.01.2023
    То бок, дачка Пуціна жыла ў даволі непрывабным васьміпавярховіку савецкай забудоўкі. Прышпільная сьціпласьць. :)

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда2

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку6

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

Пуцін зрабіў Z-спевака Шамана заслужаным артыстам Расіі5

больш чытаных навін
больш лайканых навін

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда2

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда

Галоўнае
Усе навіны →