Грамадства1212

«Няма таго, што раньш было»: што зараз на месцы JYSK і H&M

«Салідарнасць» паглядзела, што сёння ў Мінску на месцы брэндаў, якія пайшлі з Беларусі.

Крама JYSK у Каменнай горцы, па адчуваннях, займала больш за трэць гандлёвага цэнтра ProDom, які сабраў пад адным дахам больш за 50 вытворцаў мэблі і тавараў для дома і ўжо дакладна з'яўляўся якарным арандатарам.

Праз паўгода на яго месца ніхто так і не прыйшоў — пустую прастору закрываюць ралетныя краты, міжволі выклікаюць асацыяцыі з «жалезнай заслонай».

Унутры і звонку няма ні прыкмет жыцця, ні аб'яў з нагоды арэнды, а прадаўцы ў суседніх крамках паціскаюць плячыма — «хто ж такую арэнду сёння пацягне».

А вось у іншым раёне бойкае месца пуставала адносна нядоўга — цяпер там працуе вялікая крама AMI (брэнд належыць айчыннай мэблевай фабрыцы «Лагуна»).

Адрозненні бачныя няўзброеным вокам: калі JYSK браў колькасцю і разнастайнасцю асартыменту, накшталт IKEA — сярод паліц і стэлажоў у дні зніжак і распродажаў часта ледзь можна было праціснуцца — то ў AMI, падобна, вырашылі паказаць прыгожае.

У краме вельмі прасторна — паміж паліц, канап, ложкаў і крэслаў можна свабодна хадзіць, і пры гэтым неяк нягуста. Крэслаў камп'ютарных — тры штукі, сталоў — менш дзясятка, канапаў, ложкаў і шаф больш, але месца ў вялізнай зале яны займаюць няшмат. Крэслы з псеўдааксамітнай абіўкай і гучнымі назвамі «Харлі», «Рычы», «Леон» стаяць роўнымі каляровымі радамі, нібы хутка пачнецца нейкі сход.

Сінтэтычныя пакрывалы і пацешныя падушкі, якія ператвараюцца ў пледы, усякія дробязі для кухні і ваннай, шэрагі штучных кветак і калядных гномаў, танныя бляшаныя хлебніцы, падлогавыя вешалкі — на большасці этыкетак гэтых тавараў значыцца Кітай або Тайвань.

У будзень днём пакупнікоў амаль няма. Затое гандлёвая плошча сапраўды не пустуе.

***

З крамамі H&M, якіх у Мінску было ўсяго дзве, справы ідуць больш сумна.

На плошчах адной з іх, у ГЦ Galleria, у снежні працаваў кірмаш падарункаў і сувеніраў ручной працы «Гарошак-маркет». Але пасля Новага года тут пуста.

Толькі ў частцы залы на другім паверсе на момант візіту працягвалася дабрачынная калядная акцыя — збор падарункаў для дзяцей-сірот, жыхароў псіханеўралагічных інтэрнатаў і рэабілітацыйных цэнтраў.

Пры гэтым на сайце гандлёвага цэнтра аб'яў з нагоды арэнды няма, а былы двухпавярховы магазін H&M пазначаны на плане проста пустымі прастакутнікамі.

Тая ж гісторыя — у ГЗЦ Palazzo, дзе крама вядомага шведскага брэнда прапрацавала тры гады. Сёння тут пусты ўчастак, закрыты шторамі і ралетамі, і ніякіх намёкаў, хто прыйдзе, калі прыйдзе, замест яго.

Адзіная ў Беларусі афіцыйная крама Timderland працавала ў ГЦ «Карона Замак» цэлых пяць гадоў, з лістапада 2017-га да снежня 2022-га. Па словах беларускіх аматараў брэнда, выбар мадэляў адзення і абутку тут заўсёды быў даволі нядрэнны, а цэны хоць і немаленькія, але «прымальныя».

У канцы мінулага года ўладальнікі абвясцілі аб распродажы рэшткаў са зніжкамі да 90% і аб закрыцці як гандлёвага пункта, так і інтэрнэт-крамы. «Шэрым» імпартам, па словах уласнікаў крамы, займацца было проста немэтазгодна, з-за змены і падаўжэння маршрутаў паставак цэны выраслі б яшчэ больш — а колькасць плацежаздольных пакупнікоў у Беларусі па зразумелых прычынах зменшылася.

Праз месяц шыльда яшчэ засталася — але сам магазін выстаўлены на продаж разам з усім абсталяваннем. Некалькі маладых людзей падыходзяць, разглядаюць пустую чорную вітрыну і фатаграфуюцца на фоне — мабыць, на памяць пра тое, што «няма таго, што раньш было».

У пачатку мінулай восені зачыніліся і крамы адзення Tommy Hilfiger і Calvin Klein, якія таксама працавалі ў ГЦ «Замак». Літаральна за пару тыдняў тут распрадалі тавар і знялі шыльды. Цяпер гэтыя павільёны працуюць, але пад іншымі назвамі, Point і Top Place, і з іншым асартыментам, хоць на сайце гандлёвага цэнтра абодва брэнда ўсё яшчэ пазначаныя.

— Calvin Klein ў Беларусі? Забудзьцеся, — смяецца знаёмая модніца. — Яны як летась сышлі, так і не абяцалі вярнуцца. Хіба што ў добрых сэкандах нешта сустрэнецца.

Каментары12

  • Бос
    16.01.2023
    Уныла, ўбога і так і будзе далей.
  • Санкцыі толькі народу шкодзяць
    16.01.2023
    За тое невераятныя радуюцца санкцыям і ізаляцыі сваёй краіны, хутка будзе тут куба толькі без рома, дзевачак і цеплага мора. А Куба між іншым ужо колькі пад санкцыямі жыве?
  • Народ не мусіць быць быдлам
    16.01.2023
    Санкцыі толькі народу шкодзяць, вы это заслужили, так что не нойте. Хотели убогий совок - живите в убогом совке, а «невероятные» пусть себе на западе «загнивают»

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →