З 16 жніўня 2021 года Пятро Зіневіч адбываў тэрмін у віцебскай ПУАТ № 9. 11 студзеня палітвязень выйшаў на волю паводле закона аб амністыі ад 7 снежня 2022 года, паведамляе «Вясна».
Пятро Зіневіч — прадпрымальнік-тэлемайстар з Баранавічаў. Яго асудзілі на два гады абмежавання волі з накіраваннем у папраўчую ўстанову адкрытага тыпу («хімія») паводле артыкула 188 КК (паклёп).
Мужчыну асудзілі за тое, што ён у жніўні на сваёй старонцы «УКантакце» апублікаваў фатаздымак супрацоўніка Баранавіцкага РАУСа з надпісам «Удзельнічаў у разгоне мітынгаў і катаваў людзей». Таксама яму прызначылі заплаціць 1 000 рублёў маральнай кампенсацыі пацярпеламу міліцыянту.
Жонка палітвязня Ірына Красуцкая таксама была асуджаная — за каментар — да 2 гадоў «хатняй хіміі» паводле арт. 369 КК (абраза прадстаўніка ўлады).
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной31
Каментары