Вайна11

Украінская разведка патлумачыла, як зразумее, што Расія рыхтуе новы наступ. І што думае аб прыходзе арміі з Беларусі

Прадстаўнік Галоўнага ўпраўлення разведкі Мінабароны Андрэй Юсаў у эфіры нацыянальнага тэлемарафону расказаў пра магчымы новы наступ расійскага войска. А таксама паразважаў пра магчымасць паўнавартаснага ўступлення ў вайну Лукашэнкі. 

Фота: Мінабароны РФ

Юсаў расказаў, па якіх прыкметах разведка будзе ведаць, што наступ адбудзецца.

«Калі казаць пра самыя простыя відавочныя рэчы, то гэта фарміраванне ўдарных груповак і падвядзенне іх да мяжы. Таксама ёсць шмат іншых крыніц, агентурныя даныя, усе яны сумуюцца, аналізуюцца, і робяцца адпаведныя высновы.

Па стане на цяпер (такога «ўдарнага кулака») мы не бачым, не канстатуем, але гэта не значыць, што такой пагрозы няма. Калі гэтая пагроза будзе, то Украіна і ўласнымі намаганнямі, і за кошт абмену данымі з нашымі партнёрамі, у прыватнасці краінамі НАТА, мы, безумоўна, будзем валодаць гэтай інфармацыяй.

Але ў першую чаргу абапіраемся на ўласныя даныя. І па стане на цяпер расіяне не гатовыя да новага поўнамаштабнага наступу. Хоць мы з вамі павінны разумець, што мы жывём ва ўмовах поўнамаштабнага наступу з 24 лютага. І гаворка ідзе не пра новы наступ, а ўмоўна пра новыя аперацыі ў рамках гэтага поўнамаштабнага наступу».

Прадстаўнік ГУР дадаў, што Беларусь цяпер выкарыстоўваецца як палігон для навучання мабілізаваных і база для пастаўкі ўзбраення, у тым ліку цяжкага.

Манеўры, якія цяпер назіраюцца, арыентаваны на тое, каб адцягваць ўкраінскія сілы абароны і прымушаць трымаць пэўную колькасць войскаў на гэтым напрамку, лічыць Юсаў.

«Сёння Беларусь нават разам з часткова мабілізаванымі не гатовая да паўнавартаснага ўдзелу ў наземнай аперацыі. Калі б такое рашэнне было прынята, гэта было б самагубствам і з ваеннага пункту гледжання, і з палітычнага.

Калі ўлічыць, што найбольш падрыхтаваныя элітныя расійскія часці ўжо знішчаныя на тэрыторыі Украіны, то сёння беларуская армія, магчыма, нават у сярэднім лепш падрыхтаваная, чым расійская, але іх намаганняў і па колькасці, і па іншых паказчыках не хапае для фарміравання ўдарных груповак», — мяркуе прадстаўнік разведкі.

«Незалежна ад таго, якія рашэнні будуць прынятыя, можна яшчэ раз падкрэсліць: да розных сцэнароў, да рознага развіцця, у прыватнасці з беларускага кірунку ўкраінскія сілы абароны гатовыя. Нечаканасці не будзе», — адзначыў ён.

Каментары1

  • Вадя
    18.12.2022
    Один раз эта разведка всё понимала ,но шашлыки не отменяла. Украина была в шаге от поражения.Теперь ,надо полагать ,это новая разведка ,правильная разведка.

Выйшаў на волю старшыня АГП Мікалай Казлоў1

Грамадстваабноўлена1

Выйшаў на волю старшыня АГП Мікалай Казлоў

Усе навіны →
Усе навіны

Борыс Джонсан: Трамп можа выратаваць Украіну8

Мінскі заапарк заклікаў беларусаў падзяліцца з жывёламі лішкамі ўраджаю

Беларусь ці Польшча: хто важнейшы гандлёвы партнёр для Кітая?8

«Мая даўняя мара — жыць у Іспаніі — аказалася расчараваннем». Салігарчанка тры гады пажыла ў Алікантэ і вярнулася ў Беларусь54

Пудынг, піца і рол — небанальныя стравы з бульбы

У Дудутках праходзіць міжнародны фестываль «Наш Грунвальд» ШМАТ ФОТА11

Каштэлі, ранэты, пепінкі: усё пра старыя беларускія сады і сарты. І дзе іх купіць4

Некаторым журналістам з Беларусі забаранілі асвятляць Алімпіяду3

Якога надвор'я чакаць беларусам на наступным тыдні

больш чытаных навін
больш лайканых навін

Выйшаў на волю старшыня АГП Мікалай Казлоў1

Грамадстваабноўлена1

Выйшаў на волю старшыня АГП Мікалай Казлоў

Галоўнае
Усе навіны →