Свет22

«Урачыстае адкрыццё цэнтра па вытворчасці індычкі». Крэмль даручыў кампаніям запусціць канвеер добрых навін пра Пуціна

Расійскія дзяржаўныя карпарацыі атрымалі ад адміністрацыі Пуціна распараджэнне падрыхтаваць пазітыўны парадак дня з навін і мерапрыемстваў, удзел у якіх мог бы прыняць Пуцін, распавялі The Moscow Times блізкія да Крамля крыніцы і пацвердзілі прадстаўнікі кампаній.

Фота: Мінабароны РФ

Разнарадка на збор найменшых значных пазітыўных інфармацыйных нагод паступіла кіраўнікам кампаній з энергетычнай, транспартнай і камунікацыйнай сфер, а таксама кіраўнікам расійскіх рэгіёнаў.

Сацыяльнае самаадчуванне расіян зніжаецца, расце трывожнасць і ўжо назапасілася стомленасць ад зацягнутай вайны. У гэтых умовах Пуцін павінен выразна асацыявацца ў грамадзян з чымсьці пазітыўным, быць «вяшчальнікам добрых навін», тлумачаць логіку два не звязаныя адзін з другім чыноўнікі.

«Інкубатар добрых навін» — тэхналогія, якая звычайна выкарыстоўваецца падчас выбараў, — ужо працуе, звяртаюць увагу крыніцы The Moscow Times. У публічным графіку Пуціна разам з пасяджэннямі Рады Бяспекі і міжнароднымі званкамі з'явіліся такія мерапрыемствы, як урачыстае адкрыццё цэнтра па вытворчасці індычкі і сацыяльных аб'ектаў, віншаванне з юбілеем дзяржкарпарацый «Расатам» і «Растэх», адкрыццё адрамантаванай аўтадарогі.

Шукаць новыя «пазітыўныя навіны», у якіх мог бы паўдзельнічаць Пуцін, даручана дзясяткам дзяржкампаній. Яны, паводле задумы Крамля, павінны залатаць дзірку ў іміджы прэзідэнта Расіі і дапамагчы дзяржпрапагандзе, якая імкліва губляе ТБ-аўдыторыю і ўсё горш спраўляецца з пошукам аргументаў на карысць вайны, якая працягваецца амаль год.

Няўдачы на фронце, мабілізацыя і пагроза далейшай страты захопленых украінскіх тэрыторый ужо вымусілі Пуціна скараціць частату публічных мерапрыемстваў і ўпершыню за 10 гадоў завяршыць год без традыцыйнай вялікай прэс-канферэнцыі. Заціснуты паміж пераможнай рыторыкай і крывавай рэальнасцю Крэмль шукае спосабы зноўку склеіць разбіты кубак прапагандысцкага наратыву. Але дарэмна: праведзеныя на замову Крамля непублічныя апытанні паказалі, што за мірныя перамовы з Украінай выступаюць 55% расіян, за працяг вайны — 25%.

Любое выказванне аб адступленні імгненна павышае антырэйтынг, кажа суразмоўца The Moscow Times, чыноўнік Крамля. «Аб здачы Херсона начальнік маўчыць ужо больш за месяц, — адзначае ён. — Выкручваюцца іншыя».

Каментары2

  • стоп рашизм
    17.12.2022
    чтобы не делала его пропаганда он так и останется бункерной молью!
  • Лёля
    18.12.2022
    Единственная новость которая может повысить его рейтинг это его смерть которой ждут с нетерпением не только россияне а наверное во всем мире

Стрыжак расказаў, як яго вербавалі спецслужбы

Стрыжак расказаў, як яго вербавалі спецслужбы

Усе навіны →
Усе навіны

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе3

больш чытаных навін
больш лайканых навін

Стрыжак расказаў, як яго вербавалі спецслужбы

Стрыжак расказаў, як яго вербавалі спецслужбы

Галоўнае
Усе навіны →