Свет22

Галоўны камендант польскай паліцыі, у штабе якой выбухнуў украінскі падарунак, расказаў, што было

15 снежня ў штаб-кватэры польскай паліцыі здарыўся выбух. Тады паведамілі, што выбухнуў падарунак, які галоўны камендант паліцыі Польшчы Яраслаў Шымчык атрымаў падчас свайго апошняга візіту ва Украіну. Рэпарцёры RMF FM пагаварылі з ім, калі той выйшаў з лякарні. 

Фота: nszzp.pl

«Калі я перастаўляў гранатамёты, якія былі падарункамі ад украінцаў, адбыўся выбух», — кажа генерал Яраслаў Шымчык. 

Як стала вядома журналістам RMF FM ад члена польскай дэлегацыі, генерал Яраслаў Шымчык атрымаў ва Украіне два супрацьтанкавыя гранатамёты (верагодна, RGW-90), якія, як сцвярджалі ўкраінцы, павінны былі быць няспраўнымі.

Першы падарунак паступіў ад галоўнага начальніка Нацыянальнай паліцыі Украіны Ігара Клыменкі. Гэта быў адпрацаваны супрацьтанкавы гранатамёт, з якога абстрэльвалі расійскія танкі. Па вонкавым выглядзе ён нагадвае доўгую трубку. Яго перарабілі ў гучнагаварыцель. Ігар Клыменка нават паказваў яго ў «музычным» дзеянні. Украінцы запэўнівалі, што выбуховых рэчываў там няма.

Пазней польскія паліцыянты сустрэліся яшчэ з кіраўніком Дзяржаўнай службы Украіны па надзвычайных сітуацыях генералам Сяргеем Круком. Пасля сустрэчы яго намеснік Дзмітрый Бондар правёў іх па зале, дзе былі сабраныя прадметы, якія падчас баёў нейтралізавалі — снарады, міны.

Нарэшце, развітваючыся, генерал Бондар таксама падарыў генералу Шымчыку падарунак — ідэнтычны гранатамёт. Гэты, праўда, не быў перароблены ў гучнагаварыцель, але ўкраінцы запэўнілі, што гранатамёт адпрацаваны і бяспечны.

Кіраўнік польскай паліцыі паведаміў, што на наступны дзень пасля вяртання ён хацеў перанесці падарункі ад украінцаў. У той момант, калі ён пераставіў вертыкальна на падлозе адзін з гранатамётаў, літаральна праз секунду адбыўся выбух.

Выбух быў магутным — сіла ўдару прабіла падлогу, а з другога боку пашкодзіла столь.

Інфармацыя аб выбуху была перададзена не адразу, а толькі праз дзень, праз больш чым 30 гадзін.

Адразу пасля выбуху, як вызначылі журналісты, на месца прыбылі пажарныя і хуткая дапамога. Ратавальнікі перавязалі параненага каменданта і даставілі ў бальніцу. Генерал Шымчык быў цвярозы.

Гэта было самазагаранне? Ваенныя эксперты сцвярджаюць, што такі гранатамёт не мог стрэліць сам па сабе — калі толькі ён не быў пашкоджаны і падчас перастаноўкі адбыўся выбух. Але магчымая і версія, што галоўны камендант паліцыі мог націснуць нейкі элемент гранатамёта, які не правяралі.

Цяпер следчыя правяраюць усе абставіны здарэння. Эксперты высвятляюць, як было магчыма, што ў падарунку была выбухоўка і як мог адбыцца выбух.

Разбурэнні пасля выбуху былі на трох паверхах будынка. У асноўным гаворка ідзе пра прабоіны ў падлозе. Акрамя гэтых пашкоджанняў, няма сур'ёзных страт. Шкло з вокнаў не выпала, узгарання таксама не было.

Памяшканні Галоўнага ўпраўлення паліцыі, пашкоджаныя ў выніку выбуху, ужо вернутыя ў эксплуатацыю.

Каментары2

  • Вадя
    17.12.2022
    Кто-то врёт
  • Серый
    17.12.2022
    Эко украинцы ляхам свинью подложили .
    Кому война ,а кому поиграться и пофоткаться с военной трубой ))

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Усе навіны →
Усе навіны

Кантрактнік у Белгарадскай вобласці Расіі застрэліў трох таварышаў і ўцёк са зброяй

У Калінкавічах у 40 гадоў памёр прапаршчык патрульна-паставой службы 

Эдуарду Бабарыку дадалі паўтара года зняволення2

Байдэн назваў віцэ-прэзідэнта Харыс Трампам. Той рэзка адрэагаваў1

Мілінкевіч расказаў, што беларусы могуць даць Еўропе9

Маргарыта Ляўчук выйшла замуж і чакае дзіця30

Разграмілі кватэру былога вядучага АНТ Івана Падрэза11

Сямейную пару расіян затрымалі ў Аўстраліі па падазрэнні ў шпіянажы

Шматдзетнай маці далі 6 гадоў калоніі па 6 артыкулах. Сын-падлетак з інваліднасцю чакае яе на волі8

больш чытаных навін
больш лайканых навін

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Галоўнае
Усе навіны →