Грамадства1616

Kotatogram: губазікаўцы паказалі, як яны аналізуюць пратэсныя чаты. Вось што варта ведаць 

Віцебскае аддзяленне ГУБАЗіК паказала ў відэа, як менавіта яны аналізуюць чаты, на прыкладзе трох затрыманых у Браславе.

Стала зразумела, якім чынам аналізуюцца чаты. Для гэтага сілавік заходзіць у чат, карыстаючыся кліентам Telegram, які называецца Kotatogram. Гэта старонні кліент праграмы, які мае дадатковыя функцыі, да прыкладу, магчымасць бачыць ID карыстальнікаў і паведамленняў у чатах.

Таксама ён дазваляе экспартаваць чаты ў фармаце json, зручным для далейшага аналізу. Пры экспарце чату ў архіў складаюцца таксама паведамленні тых, хто выйшаў з чата, але не выдаліў паведамленні.

Мяркуючы па ўсім, у якасці праграмы для прагляду файлаў выкарыстоўваецца Visual Studio Code ад Microsoft. Цікава таксама, што копія чату ў відэа — ад 2 лістапада 2022 года.

На фота — інтэрфэйс праграмы і даныя, якія аналізуюць губазікаўцы

Далей сілавікі ствараюць табліцу (або ўручную, або з дапамогай старонніх праграмаў), у якую ўнесеныя ўсе карыстальнікі чату, якія нешта там пісалі, уключна, як мы казалі вышэй, з тымі, хто выдаліўся з чата або выдаліў акаўнт. У табліцы ёсць палі «ID», «імя», «прозвішча», «username», «тэлефон» і «колькасць паведамленняў».

ID захоўваюць нават выдаленыя акаўнты, і іх можна праглядзець, то-бок калі чалавек выдаліў акаўнт, але пра акаўнт ёсць нешта ў сілавікоў ці «прабіўных» ботаў, то яго можна знайсці.

На фота табліца з усімі карыстальнікамі чату і колькасцю паведамленняў, якія яны напісалі

Мяркуючы па ўсім, далей сілавікі ўручную шукаюць гэтых людзей ў базе «Т-Пошук», якой карыстаюцца спецслужбы Беларусі. Некаторых людзей дадаткова «прабіваюць» расійскім ботам «Вока Бога», які ўтрымлівае даныя са злітых ці скрадзеных базаў даных (гэта бачна, калі «прабіць» гэтыя акаўнты гэтым ботам уласнаручна, але так не ва ўсіх).

Пасля, хутчэй за ўсё, сілавікі проста «адпрацоўваюць» тых, каго яны знайшлі па-хуткаму. Але праз вялікую колькасць людзей у чатах, якіх лёгка знайсці, працы ў іх дастаткова.

Што з гэтага вынікае, калі вы пісалі ці каментавалі ў адкрытых тэлеграм-чатах?

Дыктатура ў Беларусі многае з таго, што законна, інтэрпрэтуе як незаконнае. Гэта датычыць, у тым ліку, любой крытыкі ўлады і апазіцыйнай дзейнасці. Больш за тое, многае абвяшчаецца незаконным задняй датай. Чалавек належаў да групы ў мэсэнджары па месцы жыхарства, ці па месцы працы, ці па палітычных інтарэсах, і гэта быў законны чат. Але з часам яго абвяшчаюць экстрэмісцкім, і пачынаюць пераследаваць за факт прыналежнасці да яго — а вы можа ўжо і забылі, што ў ім удзельнічалі.

Пра тое, як менавіта лукашэнкаўцы дэананімізуюць людзей у тэлеграме, мы ўжо пісалі ў нашым артыкуле. Але паўторым коратка тое, што датычыць адкрытых чатаў (і неўзабаве раскажам, як ствараць ананімныя акаўнты ў тэлеграме і сацыяльных сетках).

Па-першае, важна час ад часу мяняць акаўнт, пажадана — пераствараць яго на віртуальны ці замежны нумар. Чым даўжэй існуе ваш акаўнт, тым большая імавернасць, што вы пакінулі сляды, якія дазволяць вас вылічыць. Перад выдаленнем акаўнта лепш выдаляць гісторыю вашых паведамленняў у чатах і дыялогі з усімі вашымі суразмоўцамі з абодвух бакоў.

Па-другое, у любых публічных чатах памятайце аб правілах інфармацыйнай гігіены. Не размяшчайце ў чатах ніякай персанальнай інфармацыі — месца працы, жыхарства ці ўзрост. Увогуле не знаёмцеся з людзьмі ў ананімных чатах і не рабіце там неабдуманых выказванняў.

Добрая штука — Партызанскі Telegram (які нядаўна аднавіўся і выправіў большасць сваіх хібаў), у ім можна мець два акаўнты. У П-тэлеграме ёсць магчымасць стварыць несапраўдны код-пароль (інструкцыі тут), набор якога аўтаматычна выдаляе змест акаўнта, які вы не хацелі б, каб чыталі тыя, хто вас затрымлівае.

Агулам, перш чым напісаць нейкі каментар, спыняйцеся і задумвайцеся. Словы не заўсёды дапамагаюць справе, а ў Беларусі, якая ператварылася ў таталітарную дзяржаву, увогуле часам проціпаказаныя.

«Наша Нiва» — бастыён беларушчыны

ПАДТРЫМАЦЬ

Чытайце яшчэ:

Тлумачым, якім чынам сілавікі знаходзяць карыстальнікаў Telegram і як гэтага пазбегнуць

Затрымалі былога мадэратара сеткі «Кіроўцы 97%», на якога не маглі выйсці два гады. Распавядаем, чаго ён не ўлічыў

ГУБАЗіК затрымаў натарыуса за ўдзел у пратэстах. З іх відэа ясна, якім чынам на яе маглі выйсці

Каментары16

  • йй
    17.12.2022
    Два предположения.

    Первое. В зоне риска в первую очередь чаты с небольшим географическим охватом, чаты районов города, небольших городов или крупных предприятий. Причем тематика чата не сильно важна, важно наличие комментов подходящего содержания. Почему. Во-первых, понятно какому ведомству зарабатывать на этом погоны. Во-вторых, относительно большой выхлоп с обработки небольшого объема данных, и все жертвы с высокой вероятностью на небольшой территории. В-третьих, скорее всего из всех узко-протестных чатов все, что можно легко выжать, уже выжали. 

    Второе. Все, что описано в статье, кроме двух моментов, легко автоматизировать. Думаю, это вопрос времени, если не уже. Тогда возьмутся за крупные чаты. 
  • To NN
    17.12.2022
    НН, а што з бяспекай на вашым форуме? Можа ўсё ж такі надрукуеце якія звесткі ў вас захоўваюцца? Як мінімум ІР адрас.
  • Подумалось
    17.12.2022
    А нельзя ли ментам тупо вирусов насовать, чтобы все их базы стали колом с частичным или полным удалением всего того, что они насобирали? Или белорусские знаменитые киберы все паролики получили от тех, кто им их слил? Просто такая мысль сама собой напрашивается.

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта6

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта

Усе навіны →
Усе навіны

За «абразу прадстаўніка ўлады» мастачцы з Полацка прызначылі прымусовае лячэнне. Яна вярнулася з Польшчы3

«З лёгкім ветрам» і «Нарэшце, бро» — што пішуць Байдэну ў твітары

Стрыжак расказаў, ці ўзяў бы мільён даляраў ад Чыжа6

У Беларусі з'явіцца нацыянальны відэахостынг — видео.бел 10

Джэй Ло перастала насіць заручальны пярсцёнак. Канец гісторыі кахання

Адэсіт за $6 тысяч збег ад мабілізацыі ў Расію, дзе стаў кантрактнікам. А калі трапіў на фронт, то здаўся ўкраінцам9

Чаму Байдэн вырашыў выйсці з гонкі? Вось што пра гэта пішуць сусветныя медыя4

Сотні буслоў сабраліся на адным полі ля Гродна ФОТАФАКТ2

Колькасць легкавікоў на беларуска-польскай мяжы вырасла да гіганцкіх 3501

больш чытаных навін
больш лайканых навін

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта6

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта

Галоўнае
Усе навіны →