Грамадства33

Беларусам з Беластока адказалі на зварот аб магчымасці вывучаць беларускую мову

15 лістапада 2022 года ў канцылярыю Дэпартамента адукацыі ў Беластоку перадалі 44 заяўкі ад бацькоў, якія хацелі б вучыць сваіх дзяцей беларускай мове. Праз месяц прадстаўнікі беларускай дыяспары Беластока атрымалі афіцыйны адказ ад Дэпартамента адукацыі Беластока, паведамляе MOST.

Асноўныя палажэнні адказу польскіх уладаў.

  • Прэзідэнт Беластока Тадэвуш Трускаляскі разумее патрэбу падтрымання культурнай і моўнай тоеснасці беларусаў, якія жывуць у Беластоку, а менавіта ў арганізацыі навучання беларускай мове.

  • У сувязі з гэтым быў складзены зварот да Прэзідэнта Рады Міністраў Матэвуша Маравецкага з просьбай знайсці адпаведнае прававое рашэнне і фінансавыя сродкі. Пакуль адказу на зварот не атрымана.

  • Паводле актуальнага права навучанне беларускай мове ў школах арганізавана толькі для польскіх грамадзян, якія належаць да нацыянальнай меншасці.

  • Разам з тым органы ўлады бачаць праблему, якая будзе абмяркоўвацца на супольнай сустрэчы прадстаўнікоў Міністэрства, урадавай адміністрацыі ваяводства і Дэпартамента адукацыі Беластока. Сустрэча запланаваная на студзень 2023 года.

Сутнасць праблемы, якая ўзнікла — што з усіх беластоцкіх школ беларускую мову цяпер выкладаюць толькі ў адной. Прычым вывучаць яе могуць толькі прадстаўнікі беларускай нацыянальнай меншасці — тыя дзеці, чые бацькі маюць польскае грамадзянства і лічаць сябе беларусамі.

Між тым у апошняй хвалі эміграцыі ў Польшчы ёсць нямала беларусаў, якія хацелі б забяспечыць дзяцей заняткамі беларускай мовы, але цяперашнія польскія законы не даюць ім такой магчымасці. 

Чытайце таксама:

Дыяспара Беластока збірае подпісы, каб арганізаваць урокі беларускай мовы для школьнікаў з Беларусі

Чаму дзеці мігрантаў з Беларусі не могуць вывучаць беларускую мову ў польскай школе і што тут можна зрабіць? 

Беларусы Беласточчыны здолелі адстаяць беларускамоўны дзіцячы садок. Улады хацелі аб'яднаць яго са школай

Каментары3

  • Юзік са станцыі Крулеўшчына
    13.12.2022
    Вось бы Света, якая, як быццам, уваходжая ў прэзідэнцкія кабінеты, залатвіла б гэтае пытанне! Хоць бы нейкі вынік быў бы ад т.зв. Кабінета.
  • Тута
    13.12.2022
    Юзік са станцыі Крулеўшчына, важнасць гэтага пытання была відавочнай ужо ў канцы 20 года, як толькі пачалася міграцыя. Але кабінетная рабілі выгляд, што гэта ўсё ня важна. Тады быў мудры Пуцін у галаве, а не нацыянальная мова. Цяпер пэўна сітуацыя мяняецца, але хутчэй знізу, чым зверху.
  • За паказухай гэта да Лукі.
    14.12.2022
    Юзік са станцыі Крулеўшчына, Хутка Раство, папрасіце Санту, Ціханоўская вам нічога не абавязана, такія, як вы люстэрка ябацек, яны таксама жыць не могуць без правадыра, які лезе ўсюды.

Раней тэрміну выйшаў на волю старшыня АГП Мікалай Казлоў1

Раней тэрміну выйшаў на волю старшыня АГП Мікалай Казлоў

Усе навіны →
Усе навіны

Мінскі заапарк заклікаў беларусаў падзяліцца з жывёламі лішкамі ўраджаю

Беларусь ці Польшча: хто важнейшы гандлёвы партнёр для Кітая?8

«Мая даўняя мара — жыць у Іспаніі — аказалася расчараваннем». Салігарчанка тры гады пажыла ў Алікантэ і вярнулася ў Беларусь54

Пудынг, піца і рол — небанальныя стравы з бульбы

У Дудутках праходзіць міжнародны фестываль «Наш Грунвальд» ШМАТ ФОТА11

Каштэлі, ранэты, пепінкі: усё пра старыя беларускія сады і сарты. І дзе іх купіць4

Некаторым журналістам з Беларусі забаранілі асвятляць Алімпіяду3

Якога надвор'я чакаць беларусам на наступным тыдні

На БТ запусцілі шоу «Добры вечар!» Госця першага выпуску — зорка расійскага шансона Віка Цыганова20

больш чытаных навін
больш лайканых навін

Раней тэрміну выйшаў на волю старшыня АГП Мікалай Казлоў1

Раней тэрміну выйшаў на волю старшыня АГП Мікалай Казлоў

Галоўнае
Усе навіны →