Беларусы сабралі грошы на падарункі 128 дзецям палітвязняў. Асабліва дзякуюць Шрайбману
Фонд «Байсол» запусціў збор на калядныя падарункі дзецям палітвязняў. За тыдзень удалося сабраць сродкі для прэзентаў 100 дзецям.
«Яшчэ тыдзень таму ў нас былі грошы толькі на 33 падарункі дзецям палітвязняў, а ўжо сёння мы аплачваем 128! Вялікі дзякуй за актыўны ўдзел Арцёму Шрайбману і «Вясне». Дзякуючы вашым пастам/рэпостам, атрымалася хутка сабраць амаль EUR10.000! Беларуская салідарнасць па-ранейшаму працуе.
Нам засталося сабраць суму яшчэ на 56 падарункаў, і мы заклікаем усіх далучацца да каляднай кампаніі данатам/лайкам/рэпостам», — напісаў Андрэй Стрыжак.
Агульная сума збору — 18 400 еўра. На кожнае дзіця будзе выплачана па 100 еўра (калі збярэцца больш за заяўленую суму, то перавядуць болей).
Дадаць свой унёсак у калядны цуд вы можаце па спасылцы (карта/paypal).
Каментары