Расійская нафта маркі Urals патаннела да 43,72 даляра за барэль, паведамляе агенцтва Bloomberg са спасылкай на цэнавае агенцтва Argus. Як лічыць аўтар артыкула, на змену цаны расійскай нафты паўплывала не столькі ўвядзенне столі цэнаў краінамі групы G7, Еўрасаюзам і Аўстраліяй, колькі сыход Расіі з еўрапейскага рынку.
«Ва Urals цяпер няма пакупнікоў на парозе, таму цэны даводзіцца зніжаць, каб прыцягнуць далёкіх пакупнікоў. Гэта звязана з санкцыямі і папярэднімі самаабмежаваннямі еўрапейскіх нафтаперапрацоўшчыкаў, а не з абмежаваннем цэнаў», — мяркуе аналітык Argus Майкл Кэралан.
Каля трох чвэрцяў расійскай нафты адпраўлялася па моры з захаду краіны, паведамляецца ў артыкуле, а больш дарагая транспарціроўка паліва ў Азію вядзе да высокіх выдаткаў.
Пры гэтым іншы гатунак нафты ESPO прадаецца лепш, хоць і са зніжэннем цаны, бо ён дастаўляецца з усходняй часткі Расіі ў азіяцкія краіны.
З 5 снежня Еўрасаюз перастаў прымаць расійскую нафту, якая перавозіцца па моры, а краіны «Вялікай сямёркі», Аўстралія і Еўрасаюз увялі абмежаванне цэнаў на яе марскія перавозкі на ўзроўні 60 даляраў за барэль.
Выйшаў на свабоду 76-гадовы Сямён Добкін, брат заснавальніка EPAM6
Выйшаў на свабоду 76-гадовы Сямён Добкін, брат заснавальніка EPAM
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1313
Каментары