Свет

Чырвоны Крыж атрымаў доступ да ўкраінскіх ваеннапалонных на расійскім баку

Камісія Міжнароднага камітэта Чырвонага Крыжа (МКЧК) наведала ўкраінскіх і расійскіх ваеннапалонных. Візіт, як паведамляецца, адбыўся на мінулым тыдні, але заява аб ім была распаўсюджана толькі сёння.

Раней прарасійская адміністрацыя на акупаваных тэрыторыях на ўсходзе Украіны перашкаджала доступу міжнародных назіральнікаў у месцы ўтрымання ўкраінскіх ваеннапалонных — у заяве МКЧК падобныя візіты ахарактарызаваны як спарадычныя.

Пакуль незразумела, што прымусіла расійскі бок пачаць супрацоўнічаць.

Украіна ніколі не перашкаджала рабоце міжнародных гуманітарных арганізацый.

Паведамляецца, што прадстаўнікі МКЧК даставілі палонным з абодвух бакоў гуманітарную дапамогу — сродкі асабістай гігіены, коўдры, цёплую вопратку і кнігі.

Таксама пасля наведвання ўдзельнікі місіі звязаліся з роднымі кожнага ваеннага і апісалі абстаноўку.

Мэта камітэта Чырвонага Крыжа — праверыць умовы ўтрымання і лячэння ваеннапалонных, гаворыцца ў заяве.

Каментароў МКЧК аб становішчы спраў і стане ваеннапалонных пакуль няма. У ходзе ранейшых візітаў да расійскіх ваеннапалонных на ўкраінскім баку камітэт фіксаваў некаторыя парушэнні.

Да канца гэтага тыдня плануецца яшчэ адно наведванне ўкраінскіх палонных.

Права Міжнароднага камітэта Чырвонага Крыжа як незалежнай гуманітарнай арганізацыі на рэгулярныя наведванні месцаў утрымання ваеннапалонных, а таксама на размовы з імі ў адсутнасці наглядчыкаў, абаронена трэцяй Жэнеўскай канвенцыяй, падпісанай і Расіяй, і Украінай.

Аднак падчас гэтай вайны міжнародныя назіральнікі рэгулярна атрымлівалі адмовы ў доступе да ваеннапалонных, і прэзідэнт Украіны Уладзімір Зяленскі ў мінулым папракаў МКЧК у бяздзейнасці.

Каментары

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Усе навіны →
Усе навіны

У Лідзе затрымалі ўладальніка кавярні «Тутака»

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

больш чытаных навін
больш лайканых навін

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Галоўнае
Усе навіны →