Грамадства

Жыхарка Гомеля збегла ад палітычнага прысуду. Яе паручальнікаў пакаралі вялікімі штрафамі

У Гомельскім абласным судзе 26 кастрычніка разглядалася крымінальная справа Алены Кравец, абвінавачанай у садзейнічанні экстрэмісцкай дзейнасці па ч. 1 арт. 361-4 Крымінальнага кодэкса. Справу разглядаў суддзя Васіль Бягун, паведамляе «Гомельская вясна».

На стадыі папярэдняга следства па хадайніцтве знаёмых і сваякоў абвінавачанай была абраная мера стрымання ў выглядзе асабістага паручальніцтва. У той жа дзень паручыцелі азнаёміліся пад роспіс з наступствамі, прадугледжанымі ў дачыненні да іх у выпадку невыканання абвінавачанай абавязку аб яўцы па патрабаванні органаў крымінальнага пераследу і суда.

Па заканчэнні судовага следства і выступленні дзяржаўнага абвінаваўцы ў спрэчках суд абвясціў перапынак. На наступнае пасяджэнне 31 кастрычніка абвінавачаная Кравец не з'явілася, адвакат таксама не ведаў пра прычыны яе адсутнасці.

Тады абвінавачанне запрасіла для Алены пазбаўленне волі тэрмінам на два гады ў калоніі агульнага рэжыму.

У развіццё падзей пастановай суддзі Гомельскага абласнога суда Алена Кравец была абʼяўлена ў вышук, мера стрымання ёй змененая на заключэнне пад варту.

А па патрабаванні пракуратуры следчы склаў у дачыненні да дваіх паручыцеляў пратаколы і сабраў неабходныя матэрыялы, якія былі накіраваныя ў суд для разгляду.

З улікам пазіцыі пракурора, пастановай суда Цэнтральнага раёна Гомеля на 57-гадовую С. накладзена грашовае спагнанне ў памеры 100 базавых велічынь (3 200 рублёў), а на 66-гадовага Ф. — 120 базавых велічынь (3 840 рублёў).

Алену Кравец першапачаткова затрымалі 26 ліпеня непасрэдна на працоўным месцы. Тады яе адпусцілі на наступны дзень і прысудзілі штраф па артыкуле 19.11 КаАП (распаўсюд «экстрэмісцкіх» матэрыялаў). А 4 жніўня Алену зноў затрымалі, ужо ў межах крымінальнай справы.

Мужа Алены Кравец таксама выклікалі ў Следчы камітэт, дзе сцвярджалі, што ён таксама перасылаў жонцы забароненую інфармацыю. Але нічога падазронага ў яго тэлефоне так і не знайшлі.

Каментары

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Усе навіны →
Усе навіны

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў2

Замах на Дональда Трампа планаваў Іран — CNN9

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі28

Мінскае «Дынама» на апошніх хвілінах прабілася ў другі раўнд кваліфікацыі Лігі чэмпіёнаў ВІДЭА1

Расійскі шахед выбухнуў за 55 км ад Бабруйска22

Паслабленні для беларускіх турыстаў уводзіць Тайланд

больш чытаных навін
больш лайканых навін

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Галоўнае
Усе навіны →