Энергаатам: Ёсць прыкметы таго, што расійскія вайскоўцы могуць пакінуць Запарожскую АЭС
Прэзідэнт «Энергаатама» Пётр Косцін заявіў у эфіры тэлемарафону, што цяпер яны назіраюць прыкметы таго, што расійскія салдаты могуць рыхтавацца пакінуць Запарожскую атамную электрастанцыю.
«У апошнія тыдні мы атрымліваем фактычна інфармацыю, што з'явіліся прыкметы таго, што яны, магчыма, збіраюцца пакінуць ЗАЭС.
Па-першае, вельмі шмат стала з'яўляцца публікацый у расійскай прэсе аб тым, што ЗАЭС, магчыма, варта было б пакінуць, магчыма, яе варта перадаць пад кантроль МАГАТЭ. Такое, ведаеце, уражанне, што яны збіраюць чамаданы і што яны крадуць усё, што могуць знайсці», — цытуе Косціна «Украінская праўда».
Разам з тым ён заўважае, што пакуль рана казаць, што расійскія вайскоўцы з'язджаюць з ЗАЭС — яны толькі рыхтуюцца.
Ён таксама адзначыў, што расійскія салдаты замініравалі тэрыторыю станцыі.
Памятаеце правакатара і даносчыка Яўгена Какойта? Ён цяпер таксама палітвязень13
Каментары