Вайна11

Ва Украіне нацыяналізуюць прадпрыемствы алігархаў

Стратэгічна важныя прадпрыемствы, звязаныя з Канстанцінам Жэвагам, Ігарам Каламойскім, Вячаславам Багуслаевым і Канстанцінам Грыгарышыным, пераходзяць ва ўласнасць дзяржавы. 

Як піша «Эканамічная праўда», 6 лістапада Нацыянальная камісія Украіны па каштоўных паперах і фондавым рынку прыняла рашэнне аб забеспячэнні прымусовага адчужэння ва ўласнасць дзяржавы акцый ПАТ «Укрнафта», ПАТ «Укртатнафта», АТ «Матор Січ», ПАТ «АўтаКрАЗ» і ПАТ «Запарожтрансфарматар». Такім чынам, рэгулятар дазволіў спісанне акцый названых прадпрыемстваў з рахункаў прыватных асоб ва ўласнасць Украіны.

Кампаніям Каламойскага ва «Укрнафце» належыць каля 42% акцый. Дзяржаве ў асобе НАК «Нафтагаз» да гэтага належалі 50% плюс 1 акцыя. Уладальнікамі іншых акцый з'яўляюцца мінарытарныя акцыянеры.

«Укрнафта» з'яўляецца найбуйнейшай нафтаздабываючай кампаніяй Украіны. Ва «Укртатнафце» днепрапятроўскі алігарх сумесна з партнёрам Генадзем Багалюбавым валодае каля 60%. Іншыя — у НАК «Нафтагаз». Ключавым актывам «Укртатнафты» з'яўляецца Крамянчуцкі нафтаперапрацоўчы завод, які ў маі вывелі з ладу расійскія ракетныя абстрэлы.

Да нядаўняга часу ўладальнікам «Матор Січ» быў Вячаслаў Багуслаеў, які ў 2017 годзе прадаў 56% акцый кампаніі кітайскаму холдынгу Beijing Skyrizon Aviation Industry Investment Co Ltd. З-за наяўнасці парушэнняў, у прыватнасці па выкананні антыманапольнага заканадаўства, аперацыі з акцыямі «Матор Січы» былі заблакаваныя, а пасля — арыштаваныя. Багуслаева ў кастрычніку арыштавалі, абвінаваціўшы ў дзяржаўнай здрадзе.

Кампанія «АўтаКрАЗ» уваходзіць у групу «Фінансы і крэдыт» збеглага алігарха Канстанціна Жэвагі. Прадпрыемства займаецца вырабам велікагрузных аўтамабіляў. «Запарожтрансфарматар» — прадпрыемства-банкрут, якое вырабляе трансфарматарнае і рэактарнае абсталяванне. Яго ўладальнікам з'яўляецца Канстанцін Грыгарышын.

Пакуль невядома, ці будзе перадача акцый гэтых прадпрыемстваў кампенсавацца іх былым уласнікам і мінарытарным акцыянерам.

Каментары1

  • Litvin
    07.11.2022
    [Рэд. выдалена]

Год Сырскага. Як ваюе ўкраінская армія з гэтым галоўнакамандуючым

Год Сырскага. Як ваюе ўкраінская армія з гэтым галоўнакамандуючым

Усе навіны →
Усе навіны

Неабходныя грошы на патрэбы Паліны Шарэнды-Панасюк сабралі за некалькі гадзін5

Трамп запатрабаваў закрыць USAID за «карупцыю»8

Нашчадкі готаў і фіна-вуграў нават больш, чым меркавалася. Што насамрэч у генах беларусаў і літоўцаў?45

Жахлівая гісторыя ў «Мінск-Свеце»: сабака на двары напароўся на шампур, гаспадыня лічыць, што яго ўваткнулі наўмысна1

Што рабіць, калі ваш тэлефон упаў у шахту ліфта?5

Беларускія астравы, пра якія вы маглі не ведаць2

Зяленскі расказаў, як бачыць «здзелку» з Трампам па карысных выкапнях9

У Пецярбургу музыка выкінуўся з 10-га паверха, калі да яго прыйшлі з ператрусам за «фінансаванне УСУ»7

Журналіста Ігара Ільяша абвінавачваюць па двух крымінальных артыкулах1

больш чытаных навін
больш лайканых навін

Год Сырскага. Як ваюе ўкраінская армія з гэтым галоўнакамандуючым

Год Сырскага. Як ваюе ўкраінская армія з гэтым галоўнакамандуючым

Галоўнае
Усе навіны →

Заўвага:

 

 

 

 

Закрыць Паведаміць