Сталі вядомыя імёны мінчукоў, затрыманых за вывешванне беларускага і ўкраінскага сцягоў
Паводле прэс-службы МУС, у пачатку кастрычніка на скрыжаванні вуліц Рафіева і Семянякі шасцёра мінчукоў вывесілі бел-чырвона-белы сцяг і сцяг Украіны. Быў названы толькі іх узрост — ад 34 да 36 гадоў. Прапагандыстка «СБ» Людміла Гладкая пайшла ў СІЗА на допыт затрыманых і зрабіла традыцыйна прыніжальны рэпартаж пра іх.
У рэпартажы Гладкая называе імёны затрыманых, таксама апублікаваныя іх фота, згадваецца занятак некаторых з іх. Гэта:
Ігар Цяпцееў, індывідуальны прадпрымальнік;
Юрый Несцярэнка, афіцыйна не працуе;
Віктар Грынько, галоўны спецыяліст банка, начальнік аддзела інфармацыйных тэхналогій кампаніі;
Валерый Балабешка, электрамеханік па ліфтах;
Уладзімір Савельеў;
Ігар Цікач.
Паводле МУС, мінчукі правялі акцыю ў дзень, калі быў падарваны Керчанскі мост. Адзін з іх сфатаграфаваў сцягі і даслаў здымкі інтэрнэт-рэсурсам, якія лічацца «экстрэмісцкімі». Заведзена крымінальная справа за злоснае хуліганства, што прадугледжвае пазбаўленне волі тэрмінам да шасці гадоў.
Як склалася жыццё вундэркінда з Жодзіна, які ў 12 гадоў паступіў у медыцынскі ўніверсітэт?5
Каментары