У Брэсцкім абласным судзе 14 кастрычніка па «справе Зельцэра» асудзілі 34-гадовага палітзняволенага Яўгена Тазава. Паводле арт. 369 (абраза прадстаўніка ўлады) і ч. 1 арт. 130 (распальванне іншай сацыяльнай варожасці) Крымінальнага кодэкса суддзя Дзмітрый Куроўскі прызначыў яму два з паловай гады калоніі ва ўмовах агульнага рэжыму, піша «Вясна».

Згодна з версіяй абвінавачання, Тазаў напрыканцы верасня 2021 года «размясціў у дэструктыўным Telegram-чаце каментар пад публікацыяй адносна гібелі пры выкананні службовага абавязку супрацоўніка КДБ Дзмітрыя Федасюка, у якім негатыўна адгукнуўся ў цэлым пра прадстаўнікоў праваахоўнага блока, а таксама выказаў заклікі да гвалтоўных дзеянняў у дачыненні да іх». Змест каментара невядомы.
Сам Яўген Тазаў на судзе віну не прызнаў.
Пракурор запрасіў для яго два з паловай года калоніі ва ўмовах агульнага рэжыму. Менавіта такі тэрмін і прызначыў суддзя Дзмітрый Куроўскі. Таксама ў Яўгена канфіскавалі тэлефон як «сродак здзяйснення злачынства».
Пад вартай хлопец утрымліваецца ўжо больш за год — з 30 верасня 2021 года.
-
Метрабудаўнікі паказалі, як будуць выглядаць новыя станцыі метро на ўчастку ад «Пярэспы» да станцыі «Парк Дружбы народаў»
-
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог
-
Палітвязня Эдуарда Бабарыку зноў будуць судзіць за «непадпарадкаванне адміністрацыі калоніі»
Каментары