Свет66

Столтэнберг: У выпадку буйной дыверсіі на аб'ектах крытычнай інфраструктуры НАТА можа прымяніць артыкул аб калектыўнай абароне

У адказ на выбухі на газаправодах «Паўночны паток» НАТА ўзмацняе абарону крытычнай інфраструктуры. Любая атака на яе пацягне за сабой «рашучы і згуртаваны адказ», заявіў генеральны сакратар альянсу Столтэнберг, піша Deutsche Welle.

НАТА ўзмоцніць абарону крытычнай інфраструктуры краін альянсу ў адказ на меркаваныя дыверсіі на расійскіх газаправодах «Паўночны паток» і «Паўночны паток — 2» у Балтыйскім моры.

«Мы павялічылі прысутнасць у Паўночным і Балтыйскім морах да 30 караблёў», — заявіў генеральны сакратар НАТА Енс Столтэнберг 11 кастрычніка ў Бруселі.

Паводле яго слоў, гэтыя караблі атрымліваюць падтрымку з паветра і з дапамогай падводных прылад. Акрамя таго, краіны альянсу робяць больш строгімі меры бяспекі вакол інфраструктурных аб'ектаў і пашыраюць абмен інфармацыяй паміж спецслужбамі, сказаў Столтэнберг.

«Любая атака на аб'екты крытычнай інфраструктуры краін НАТА пацягне за сабой згуртаваны і рашучы адказ», — заявіў генеральны сакратар Паўночнаатлантычнага альянсу. Якім будзе гэты адказ, залежыць ад атакі.

Столтэнберг не выключыў, што ў выпадку буйной дыверсіі НАТА можа прымяніць артыкул 5 свайго статуту аб калектыўнай абароне. Калектыўная абарона азначае, што напад на аднаго з членаў НАТА будзе разглядацца як напад на ўсіх членаў НАТА.

Да крытычнай інфраструктуры, з ягоных слоў, адносяцца не толькі газаправоды, але і падводныя кабелі электрасетак і інтэрнэту.

У канцы верасня на ўчастках газаправодаў «Паўночны паток» і «Паўночны паток — 2», якія вядуць з Расіі ў Германію, непадалёк ад дацкага вострава Барнхольм у выключных эканамічных зонах Даніі і Швецыі адбылося некалькі магутных выбухаў, у выніку якіх у газаправодах утварылася не менш за чатыры пашкоджанні. Улады Швецыі правялі расследаванне, заявіўшы па яго выніках, што «Паўночныя патокі» былі разбураныя наўмыснымі выбухамі.

9 кастрычніка пачала расследаванне Федэральная пракуратура Германіі. Да вострава Барнхольм адправіліся два караблі ВМС ФРГ з вадалазамі, якія павінны задакументаваць пашкоджанні труб. У Федэральнай пракуратуры падкрэслілі, што гаворка ідзе пра сур'ёзную атаку на энергетычную інфраструктуру, што ставіць пад пагрозу бяспеку Германіі.

Чытайце таксама:

Бундэсвер чакае гібрыдных пагроз і атакі на інфраструктуру Германіі. Магчыма, сёння такая адбылася

Брытанцы мяркуюць, што «Паўночны паток» маглі падарваць дыстанцыйна загадзя пастаўленымі мінамі

Шведскія сейсмолагі: На маршрутах «Паўночных патокаў» фіксаваліся выбухі

Каментары6

  • 8
    11.10.2022
    НАТА ўсё бліжэй і бліжэй да лагічнага рашэньня...
  • Так
    11.10.2022
    Пуцiн думау што у казку папау. Захад не трэба злаваць, калi захоча, знiшчыць гэту расiю i развалiцца за тыдзень.
  • Железный Дровосек
    12.10.2022
    Да уже ж до всех дошло,что пунька —это сегодняшний гитлер,чего с ним и его отупевшей орлов цацкаться? Все равно придётся воевать,только жертв будет больше.

Што адбываецца ў Палку Каліноўскага і чаму байцы кажуць пра яго магчымае знікненне?6

Што адбываецца ў Палку Каліноўскага і чаму байцы кажуць пра яго магчымае знікненне?

Усе навіны →
Усе навіны

Польшча і Беларусь вядуць перамовы аб вызваленні Пачобута. Як не будзе выніку — закрыюць межы — Radio ZET24

Забарону рухавікоў унутранага згарання ў ЕС назвалі незаконнай2

З чацвярга на стадыёне «Дынама» зноў пачнуць паказваць кіно пад адкрытым небам

Сілавікі ціснуць на бацькоў вядоўцаў тыкток-канала «Люстэрка»21

У Беларусі прадаюць Mercedes-Benz W124 за 12 000 даляраў. Чаму 32-гадовае аўто такое дарагое?3

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

больш чытаных навін
больш лайканых навін

Што адбываецца ў Палку Каліноўскага і чаму байцы кажуць пра яго магчымае знікненне?6

Што адбываецца ў Палку Каліноўскага і чаму байцы кажуць пра яго магчымае знікненне?

Галоўнае
Усе навіны →