Свет22

Абсурдны фэйк прапаганды: У Берліне высеклі гарадскі парк на 200 гектараў, бо няма чым ацяпляць дамы

Беларускія дзяржаўныя СМІ перадалі абсурдны фэйк. Маўляў, Еўропа так цярпіць ад моцнага энергетычнага крызісу, што нават жыхарам мегаполісаў даводзіцца ацяпляць памяшканні дровамі. Напрыклад, прапаганда сцвярджае, што жыхары Берліна высеклі сусветна вядомы гарадскі парк Тыргартэн, каб ацяпліць памяшканні.

Любы чалавек, які хоць раз быў у Берліне, ведае, што Тыргартэн — велізарны парк, плошчай больш за 200 гектараў. Калі б яго і праўда высякалі на дровы, гэта не засталося б незаўважаным.

Фота: Wikimedia Commons.

Парк мае важнае культурнае і рэкрэацыйнае значэнне, ніхто б яго проста так не высякаў.

Але адкуль гэтая прапагандысцкая лухта ўзялася на лукашэнкаўскіх рэсурсах?

«Жыхары Берліна з-за недахопу паліва ссеклі амаль усе дрэвы ў цэнтральным парку Тыргартэн у Берліне для ацяплення сваіх дамоў. Пра гэта са спасылкай на Bloomberg інфармуе «Газета.ru», — паведамляе АНТ.

Тут нічога дзіўнага няма. Лукашэнкаўскія медыя часта публікуюць навіны замежжа з расійскіх смеццевых сайтаў. Яны капіююць і штампуюць навіны, нават не правяраючы першакрыніцы.

Але што гаворыцца ў першакрыніцы, на «Блумбергу»?

«У Берліне крызіс нагадвае аб трывожных адгалосках наступстваў Другой сусветнай вайны — спусташэнні і запусценні. Тады з-за недахопу паліва жыхары ссеклі амаль усе дрэвы ў цэнтральным парку Тыргартэн для ацяплення. І хоць цяпер берлінцы не збіраюцца ісці на такія крайнасці, клопат пра захаванне цяпла з'яўляецца распаўсюджаным», — гаворыцца ў першакрыніцы.

Як бачым, гаворка ішла пра тое, што парк высеклі пасля Другой сусветнай, а не зараз.

З галоўным берлінскім паркам усё добра.

Каментары2

  • Дзед
    11.10.2022
    Ну пра парк зразумела, што падман, але вы паглядзіце на гэтае фота... Парк вялізны..., але па за ім, колькі ахопіць вока, бэтонныя джунглі... Як людзі жывуць у такіх вялічэзных гарадох?... Жах нейкі... У такіх умовах людзі жывуць толькі апошнія гадоў 80, а тысячагоддзі ж жылі з прыродаю. Як у такіх скучаных умовах можна выхаваць нармальных дзяцей і захаваць фізычнае і псіхічнае здароўе? А калі ў такія джунглі Волдя шугане адну з сваіх балванак ?...
  • Трамбон
    11.10.2022
    Дзед, ты на Менск зірні, на былы аэрапорт, напрыклад, калі знойдзеш, на Каменную горку, Сухарава...

Залева ў Мінску, верагодна, была наймацнейшай за ўсю гісторыю назіранняў3

Залева ў Мінску, верагодна, была наймацнейшай за ўсю гісторыю назіранняў

Усе навіны →
Усе навіны

У Байдэна дыягнаставалі каранавірус1

788 украінскіх вайскоўцаў зніклі без вестак у баях за сяло Крынкі Херсонскай вобласці5

Улады ЗША абвінавацілі неанацыста з Грузіі ў падрыхтоўцы масавага атручвання дзяцей у Нью-Ёрку5

Круты выказаў спачуванні родным загінулых падчас урагану. Але не Лукашэнка5

Высокаінтэнсіўныя фізічныя нагрузкі ў старасці паляпшаюць памяць

У Святланы Ціханоўскай мяняецца дарадца па прававых пытаннях24

Латушка заклікаў журналістаў і праваабаронцаў з Еўропы скарыстацца з бязвізу8

Работніцы суда пагражае да 12 гадоў за «заклікі да санкцый і абразу Лукашэнкі»4

Транспартныя сродкі з беларускімі нумарамі не змогуць заязджаць і ў Эстонію7

больш чытаных навін
больш лайканых навін

Залева ў Мінску, верагодна, была наймацнейшай за ўсю гісторыю назіранняў3

Залева ў Мінску, верагодна, была наймацнейшай за ўсю гісторыю назіранняў

Галоўнае
Усе навіны →