Нямецкія спецслужбы лічаць, што падарваныя трубаправоды могуць выйсці са строю назаўжды
Нямецкія органы бяспекі мяркуюць, што тры трубы «Паўночнага патоку — 1» і «Паўночнага патоку — 2» будуць назаўжды выведзеныя са строю пасля дыверсіі. Калі іх не адрамантаваць хутка, у трубаправоды патрапіць вельмі шмат салёнай вады, што прывядзе да карозіі, паведамляе Tagesspiegel са спасылкай на прадстаўнікоў ураду.
Некалькі нямецкіх міністэрстваў і канцылярыя праводзяць кансультацыі з нагоды наступстваў інцыдэнту.
Нямецкая паліцыя ўзмоцніць кантроль над тэрытарыяльнымі водамі Германіі, а яе судны будуць больш уважліва сачыць за адпаведнымі маршрутамі крытычнай інфраструктуры. Акрамя таго, федэральныя землі павінны ўзмацніць ахову прыбярэжных раёнаў на Паўночным і Балтыйскім морах. Таксама выклікае заклапочанасць бяспека тэрміналаў звадкаванага прыроднага газу, а таксама падводных і тэлекамунікацыйных кабеляў.
Як і Еўрапейская камісія, нямецкія органы бяспекі і служба замежнай разведкі мяркуюць, што аварыя з'яўляецца вынікам дыверсіі.
Падобныя дыверсіі могуць быць зробленыя толькі нейкай дзяржаўнай структурай, лічаць нямецкія эксперты. Падазраюць Расію, аднак яе матывы няясныя.
Спецыялісты адзначаюць, што існуе значная адлегласць паміж трыма месцамі, дзе адбыліся ўцечкі. З-за іх памеру ў трубаправоды можа патрапіць вельмі шмат салёнай вады.
Інцыдэнт прывядзе да яшчэ большага павышэння цэн на газ у Германіі. Адпаведна, бенефіцыярам выбуху можа быць Расія. У той жа час Расія ж панесла шматмільярдны ўрон з-за зламаных трубаправодаў.
«Я павінен пазваніць нашаму куратару». Як завозілі мігрантаў у Беларусь — цікавыя дэталі з перахопленых тэлефонных размоў3
Каментары