Эканоміка

Новы «Вялікі Камень», запланаваны ўрадам пад Баранавічамі, прапануюць зрабіць Татарстану

Прэм'ер-міністр Раман Галоўчанка падчас выступлення на бізнэс-форуме «Татарстан — Беларусь» пацвердзіў упершыню агучаныя ў жніўні намеры ўрада заснаваць пад Баранавічамі аналаг створанага пад Смалявічамі кітайскага індустрыяльнага парка «Вялікі Камень». Па яго словах, толькі і застаецца, што дапрацаваць нарматыўную базу пад гэтыя мэты. А Татарстан разглядаецца як асноўны партнёр.

Галоўчанка адзначыў, што стварэнне такога парка — адзін са спосабаў уключэння малога і сярэдняга бізнэсу ў вытворчыя ланцужкі. Маўляў, нават для малых вытворчасцяў на пачатковым этапе патрэбныя вялікія капітальныя ўкладанні. Таму павінны быць гатовыя інфраструктура і месца, куды прадпрымальнікі могуць «за тры тры дні заехаць, падпісаць усе дакументы, паставіць абсталяванне і пачынаць працаваць».

«Мы цяпер адпрацоўваем такі пілотны праект у Баранавічах. Пакуль не магу сказаць дакладна, але, хутчэй за ўсё, пачнём рэалізоўваць яго там. Можа, ён будзе не такі вялікі па аб'ёме, але мы падабралі месца зыходзячы з таго, што там ёсць працоўныя рэсурсы адпаведныя, вельмі зручныя транспартныя камунікацыі: аўтамабільныя, чыгуначныя», — патлумачыў ідэю прэм'ер.

Для гэтага камерцыйнага праекта беларускі бок шукае прыдатную кампанію ў Татарстане, якая ўжо мае вопыт працы ў такіх прамысловых зонах з асаблівым рэжымам. Беларусь жа, па словах Галоўчанкі, са свайго боку акажа ўсю патрэбную дапамогу з пункту гледжання капітальных укладанняў.

Чытайце таксама:

Урад збіраецца рабіць у Баранавічах «Вялікі Камень» для беларускіх прадпрымальнікаў

Каментары

Што адбываецца ў Палку Каліноўскага і чаму байцы кажуць пра яго магчымае знікненне?1

Што адбываецца ў Палку Каліноўскага і чаму байцы кажуць пра яго магчымае знікненне?

Усе навіны →
Усе навіны

З чацвярга на стадыёне «Дынама» зноў пачнуць паказваць кіно пад адкрытым небам

Сілавікі ціснуць на бацькоў вядоўцаў тыкток-канала «Люстэрка»21

У Беларусі прадаюць Mercedes-Benz W124 за 12 000 даляраў. Чаму 32-гадовае аўто такое дарагое?3

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі6

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

больш чытаных навін
больш лайканых навін

Што адбываецца ў Палку Каліноўскага і чаму байцы кажуць пра яго магчымае знікненне?1

Што адбываецца ў Палку Каліноўскага і чаму байцы кажуць пра яго магчымае знікненне?

Галоўнае
Усе навіны →