Спікер Палаты прадстаўнікоў ЗША Нэнсі Пелосі асудзіла напады Азербайджана на Арменію падчас свайго візіту ў Ерэван, паведамляе «Радыё Азатуцюн».
«Арменія мае для нас важнае значэнне, і ад імя кангрэса мы рашуча асуджаем смяротныя напады Азербайджана на Арменію, напады на тэрыторыю Арменіі», — заявіла Пелосі пасля сустрэчы са спікерам Нацыянальнага сходу Арменіі Аленам Сіманянам.
Пелосі адзначыла, што ЗША як сустаршыня Мінскай групы АБСЕ выразна і даўно заявілі, што канфлікт не можа мець вайсковага вырашэння.
«Мы хочам імкнуцца да мірнага і доўгатэрміновага ўрэгулявання нагорнакарабахскага канфлікту шляхам перамоваў», — сказала Пелосі.
Палата прадстаўнікоў ЗША выпусціла рэзалюцыю, якая асуджае дзеянні Азербайджана і падтрымлівае тэрытарыяльную цэласнасць Арменіі.
Гэта першы візіт спікера Пелосі ў Арменію.
Шматдзетная маці Вольга Залатар выйшла на свабоду, цалкам адбыўшы чатырохгадовы тэрмін6
Каментары