Вайна1111

Украінскі дэсант высадзіўся ў раёне Энергадара, расійская авіяцыя наносіла ўдары па горадзе

Сёння на размешчаную там АЭС мае прыбыць з Запарожжа місія МАГАТЭ. Аднак расійская авіяцыя наносіць удары па горадзе, у ім ідуць перастрэлкі.

Група ўкраінскага дэсанту высадзілася ў раёне Энергадара, які знаходзіцца на падкантрольнай Расіі тэрыторыі Запарожскай вобласці, паведаміў «Інтэрфаксу» кіраўнік акупацыйнай адміністрацыі горада Аляксандр Волга.

«Адбылася высадка ўкраінскага дэсанту, яны на гэты момант знерухомленыя, ляжаць на дачным пасёлку. Працуе наша авіяцыя па іх. Разведчыкі вылічылі месца іх знаходжання, на гэты момант наносіцца агнявое паражэнне», — сказаў Волга.

У той жа час законны мэр Энергадара Дзмітрый Арлоў паведамляе, што з пяці гадзін раніцы горад знаходзіцца пад пастаянным абстрэлам.

«З пяці гадзін раніцы не спыняюцца пастаянныя мінамётныя абстрэлы горада. Чутныя аўтаматныя чэргі. Вядома аб траплянні ў некалькі цывільных аб'ектаў. Ёсць пацярпелыя! Колькі менавіта, высвятляем», — напісаў Дзмітрый Арлоў у сваім тэлеграм-канале.

Пра абстрэлы Энергадара таксама паведамляюць у сацсетках мясцовыя жыхары.

Інфармацыю пра гэта пацвярджае і карэспандэнт расійскага агенцтва «Інтэрфакс», які знаходзіцца ў горадзе.

«Абстрэл пачаўся прыкладна ў 6:00. Выбухі гучаць у розных частках горада з перыядычнасцю ў 3—4 хвіліны, у тым ліку ў жылых мікрараёнах і каля адміністрацыйных будынкаў у цэнтры горада», — прыводзіць агенцтва словы свайго карэспандэнта.

У сваю чаргу, Міністэрства абароны Расіі распаўсюдзіла такое паведамленне: «Каля 6 гадзін раніцы ўкраінскія войскі дзвюма дыверсійнымі групамі да 60 чалавек на сямі лодках высадзіліся на ўзбярэжжы Кахоўскага вадасховішча за тры кіламетры на паўночны ўсход ад Запарожскай АЭС і распачалі спробу захопу электрастанцыі. Прынятыя меры па знішчэнні праціўніка, у тым ліку з выкарыстаннем вайсковай авіяцыі», — гаворыцца ў паведамленні.

Тым часам місія МАГАТЭ рухаецца на Запарожскую АЭС, размешчаную ў Энергадары.

Каментары11

  • SHOS
    01.09.2022
    Не похоже на украинские войска. Они более менее берегут личный состав.
  • КТ
    01.09.2022
    Перепечатывайте российскую пропаганду с большой осторожностью... Действительно, очень сомнительно, что украинцы стали бы высаживать десант для захвата станции. Зачем? Ну захватят, а дальше что? Как удержать смогут без мостов для переброски подкрепления?
  • Змагар
    01.09.2022
    У НН есть данные об высадке десанта? 

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Усе навіны →
Усе навіны

Вячорка: Лукашэнка абвесціць дату сваіх выбараў, толькі калі скончацца амерыканскія5

Памёр мастак Валерый Чайка. Ён афармляў мінскае метро

Зяленскі пра заяву Буданава пра наступ Расіі з поўначы: Яго не так зразумелі1

Ральф Шумахер здзейсніў камінг-аўт16

Якімі будуць выбары 2025 года? Разважаюць Вячорка, Латушка і Шрайбман51

Як выглядае чарга па ваду ў Мазыры6

Яшчэ адна ахвяра ўрагану: у Светлагорску дрэва забіла 90-гадовага мужчыну

Украінцаў спыталі, ці прыйшоў час пачынаць перамовы з Расіяй — вынікі сацапытання1

«Паспелі развітацца з жыццём». Відавочцы расказалі пра смяротны ўраган на Вілейскім вадасховішчы5

больш чытаных навін
больш лайканых навін

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Галоўнае
Усе навіны →