Грамадства6767

Пазняк на канферэнцыю ў Вільні: У палітычным сэнсе было б лепш гэтую групоўку ліквідаваць

Зянон Пазняк строга раскрытыкаваў канферэнцыю «Новая Беларусь», што прайшла ў Вільні 8—9 жніўня.

Зянон Пазняк. Фота: скрыншот з Ютуб-канала «Жыццё-маліна»

Заява Пазняка ад 8 жніўня апублікаваная ў фэйсбуку.

«Выбарачна праглядзеў выступы і гаворкі на канферэнцыі «Офіса» 8-га жніўня ў Вільні. Тое, што было ўбачана і пачута, — гэта жахліва. Вось які сурагат усплывае на паверхню, калі ў краіне знішчылі нацыянальны палітычны клас. Групнікі нават у гэтых умовах акупацыі і вайны зноў паўтарылі ўсе свае калабаранцка-расійскія догмы», — піша Зянон Пазняк.

На яго думку, на пачатку канферэнцыі паказалі фантастычны рэкламны ролік, дзе было паведамлена пра неверагодныя заслугі Офіса.

«Было сказана, што барацьба ў Беларусі з рэжымам пачалася з 2020 года, што трэба правесці выбары прэзідэнта па старым лукашысцкім заканадаўстве, а потым — прыняць новую канстытуцыю. Пры гэтым агент «Раймон» (ён жа Лябедзька), які гробіў незалежнасць яшчэ разам з Лукашэнкам, назваў сябе «Дэпутатам Незалежнасці» і г. д. — усё па старых праектах і маскоўскіх клішэ з 2020 года», — абурыўся Пазняк.

Адзіным разумным выступам ён назваў прамову былога пракурора Алега Талерчыка (аднаго з кіраўнікоў «Байпола»), бо ён растлумачыў, чаму трэба вярнуць законную Канстытуцыю 1994 года і правесці не прэзідэнцкія, а парламенцкія выбары.

«Усе рабілі выгляд, што Ціханоўская ёсць нейкая «легітымная асоба». Гэтае тлумнае самаашуканства сабраных асобаў сапраўды ўражвае. Калектыўная прастрацыя свядомасці», — ацэньвае Пазняк.

«У палітычным сэнсе было б лепш каб гэтую групоўку ўвогуле ліквідаваць (і не гуляцца з ёй), бо, калі ўявіць горшае, што Крамлю ўдасца сыграць да канца гэтую сваю партыю з Ціханоўскай-Бабарыкам, то Беларусь зноў апынецца ў лапах ужо новай пасляпуцінскай Расіі», — падсумаваў палітык.

***

Цікава, што ўчора, 9 жніўня, чалец Аб'яднанага пераходнага кабінета Валерый Сахашчык у сваім выступе заявіў, што дамовіўся з Пазняком аб супрацоўніцтве.

«Разам з тым мы з ім дамовіліся, што па вяртанні я яму паведамлю пра тое, што адбылося, я думаю, што ён сочыць за падзеямі, у нас з ім адбылася дамоўленасць, я яму сказаў сваю думку, што беларусы перастануць сварыцца, аб’яднаюцца ў адно цэлае, у адну сілу. Ён сказаў: «Валера, калі гэта так, я з вамі, працую ў супольнай камандзе, рашаем усе задачы разам», я ўпэўнены, што так і будзе, і больш пытанняў не будзе, дзе Зянон Станіслававіч, чаму ён не з намі», — сказаў Сахашчык.

Каментары67

  • Antonioni
    10.08.2022
    Хопіць ужо Зянона, чалавек абсалютна адарваны ад рэальнасці. З такім жа поспехам можна і ў Шарэцкага нешта запытаць))
  • AlesGut
    10.08.2022
    Дзякуй за публікацыю меркаваньня Зянона. Гісторыю трэба ведаць усім
  • AlesGut
    10.08.2022
    Antonioni, у чым адарваны, лябедзька не агент Раймон і не нішчыў незалежнасць разам з Лукой?

Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк

Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк

Усе навіны →
Усе навіны

Праз спешку ЦРУ зліло імёны сваіх маладых супрацоўнікаў, на якіх палююць кітайскія спецслужбы4

Беларуская палітычная эмігрантка ляцела ў Грузію на самалёце, які экстранна пасадзілі ў Іране8

Беларуску без тлумачэння прычын знялі з рэйса ў мінскім аэрапорце і адправілі ў РУУС6

Справа Паўла Дурава дойдзе да суда не раней чым праз год

45-гадовую мінчанку асудзілі па трох палітычных артыкулах. Вось у чым яе вінавацілі1

Самы сапраўдны кот працуе ў беларускім музеі ФОТАФАКТ1

У Польшчы абвясцілі ў вышук беларускую шпіёнку5

У Брэсцкай вобласці злачынцу злавілі дзякуючы сталовай лыжцы2

Лаўроў: «Інтэрбачанне» ў Маскве пройдзе без вычварэнстваў3

больш чытаных навін
больш лайканых навін

Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк

Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк

Галоўнае
Усе навіны →

Заўвага:

 

 

 

 

Закрыць Паведаміць