Свет

У Стамбуле падпісалі пагадненне аб разблакаванні ўкраінскіх партоў для вывазу збожжа

Падпісаны дакумент называецца «Ініцыятыва па бяспечным транспартаванні збожжа і прадуктаў харчавання з украінскіх партоў». Пры гэтым Украіна не падпісвала ніякіх дакументаў непасрэдна з Расіяй. Ініцыятыва, падпісаная прадстаўнікамі Турцыі, ААН і Украіны, павінна быць зацверджаная Кабінетам міністраў і апублікаваная ў поўным аб'ёме. Такі ж дакумент асобна падпісалі прадстаўнікі Турцыі, ААН і Расіі. З украінскага боку дакумент падпісаў міністр інфраструктуры Аляксандр Кубракоў. Падпісант з расійскага боку — міністр абароны Сяргей Шайгу.

Пагадненне прадугледжвае, што кантроль за партамі «Адэса», «Чарнаморск» і «Паўднёвы» цалкам застаецца за ўкраінскім бокам. Знаходжанне ў гэтых партах ніякіх іншых суднаў, акрамя тых, якія павінны забяспечваць экспарт збожжа і звязаных з ім харчовых прадуктаў і ўгнаенняў, не прадугледжваецца.

Дакумент не прадугледжвае таксама паслаблення санкцый у дачыненні да Расіі, а таксама ніякага транспартнага суправаджэння расійскімі караблямі ўкраінскіх суднаў.

У Стамбуле пад эгідай ААН будзе створаны сумесны каардынацыйны цэнтр (СКЦ), у які ўвойдуць прадстаўнікі Украіны, Расіі, Турцыі і ААН. Гэты цэнтр будзе здзяйсняць агульны нагляд за выкананнем ініцыятывы. Ім будуць створаныя інспекцыйныя групы.

Усе гандлёвыя судны, якія ўдзельнічаюць у гэтай ініцыятыве, будуць падлягаць інспекцыі, якую праводзіць інспекцыйная група ў гаванях, вызначаных Турцыяй, на ўваходзе/выхадзе ў/з турэцкага праліва. 

Уся дзейнасць ва ўкраінскіх тэрытарыяльных водах будзе здзяйсняцца пад уладай і адказнасцю Украіны. Ніякія вайсковыя караблі, самалёты, беспілотныя лятальныя апараты не могуць набліжацца да марскога гуманітарнага калідора бліжэй, чым на адлегласць, узгодненую СКЦ.

Дагавор будзе дзейнічаць 120 дзён з даты падпісання і будзе аўтаматычна працягнуты, калі ні адзін з бакоў не паведаміць, што хоча яго спыніць.

Каментары

Што адбываецца ў Палку Каліноўскага і чаму байцы кажуць пра яго магчымае знікненне?1

Што адбываецца ў Палку Каліноўскага і чаму байцы кажуць пра яго магчымае знікненне?

Усе навіны →
Усе навіны

З чацвярга на стадыёне «Дынама» зноў пачнуць паказваць кіно пад адкрытым небам

Сілавікі ціснуць на бацькоў вядоўцаў тыкток-канала «Люстэрка»21

У Беларусі прадаюць Mercedes-Benz W124 за 12 000 даляраў. Чаму 32-гадовае аўто такое дарагое?3

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі6

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

больш чытаных навін
больш лайканых навін

Што адбываецца ў Палку Каліноўскага і чаму байцы кажуць пра яго магчымае знікненне?1

Што адбываецца ў Палку Каліноўскага і чаму байцы кажуць пра яго магчымае знікненне?

Галоўнае
Усе навіны →