Грамадства22

«Справа «Газпрама»: працягваюцца затрыманні, звальняюць дзяцей чыноўнікаў, улады патрабуюць аднавіць будаўніцтва «Газпрам Цэнтра»

У маі пачаліся затрыманні у колах топ-менеджменту «Газпрам трансгаз Беларусь» на фоне адмовы рускіх працягваць няўдалае будаўніцтва «Газпрам Цэнтра». Гаворка ішла як мінімум пра аднаго з намеснікаў генеральнага дырэктара. Як вядома «Нашай Ніве», расследаванне справы працягваецца і арыштоўваюць новых людзей, у тым ліку тых, хто звольніўся нейкі час таму. 

Фота: панарама Яндэкс

Будоўля «Газпрам Цэнтра» пачалася ў 2013 годзе на месцы спецыяльна знесенага для гэтага аўтавакзала «Маскоўскі» на праспекце Незалежнасці ў Мінску. 

Чакалася, што ўжо ў 2020-м «Газпрам Цэнтр» стане самым высокім з функцыянуючых будынкаў сталіцы, але рэальныя вынікі 9 год работ абмежаваны фундаментам і каркасам ніжніх паверхаў.

«Наша Ніва» у дэталях паведамляла пра няўдачы на ўсіх этапах амбіцыйнага будаўніцтва. 

Чытайце таксама: Італьянскі забудоўшчык разбірае краны і сыходзіць, амбіцыйная будоўля «Газпрам-цэнтра» прыпыненая

Чытайце таксама: Трагікамедыя на будоўлі «Газпрам-Цэнтра»: абсталяванне на $20 мільёнаў сапсавалася

Чытайце таксама: Крыніцы: «Газпрам трансгаз Беларусь» канчаткова прайграў сербам суд на $30 мільёнаў

У сакавіку рускія канчаткова плюнулі на свой праект. 

«З цэнтральга офіса «Газпрама» ў сакавіку прыйшоў ліст аб адмове ад будаўніцтва. Маёраў [гендырэктар «Газпрам трансгаз Беларусь»] паведаміў пра гэта віцэ-прэм'еру, а як сказаць Лукашэнку, яны не ведалі», — казалі нам абазнаныя крыніцы.

Супадзенне ці не, але неўзабаве пасля гэтага пачаліся затрыманні топ-менеджменту беларускай дачкі «Газпрама», якая і займалася ўзвядзеннем.

Затрыманы быў намеснік гендырэктара Андрэй Шабан, а таксама яшчэ двое менеджараў. Папярэдне мяркуецца, што згаданыя асобы стварылі кампанію, праз якую перапрадавалі абсталяванне для патрэбаў «Газпрама» па завышаных цэнах. 

Цяпер жа становіцца вядома, што затрыманні адбыліся і сярод тых менеджараў, якія звольніліся некалькі месяцаў таму. 

Затрыманыя раней дагэтуль сядзяць у СІЗА. 

Чытайце таксама: Крыніцы: Арыштаваныя топ-менеджары беларускай дачкі «Газпрама»

«Пры гэтым, на фоне ўсіх затрыманняў, Мінгарвыканкам кажа, што восенню яны чакаюць аднаўлення будаўніцтва!» — кажуць нам супрацоўнікі кампаніі. 

«Разам з гэтым Масква даслала новага начальніка карпаратыўнай бяспекі, які ўзяўся вычышчаць кадры і карупцыянераў на свой густ. Адначасова з гэтым паступілі спісы з КДБ з камандай вычысціць усіх, хто засвяціўся на мітынгах. Па іроніі лёсу, у спісах аказаўся сын аднаго з былых намеснікаў міністра, яму не працягваюць кантракт, — патлумачылі нам абазнаныя крыніцы. — Не ведаю, ці рэальна чакаць аднаўлення будаўніцтва да восені. Імаверна — не, і справа не толькі ў чыстках». 

Каментары2

  • Гэты гэнага піхнуў, гэны паваліўся
    19.07.2022
    Таварыш Лукашэнка, вы ўзгаднілі вар'яцкі акт па зносе аўтавакзала. Так хацелася перад расейцамі стаць на абцасы. І што, як з тым стадыёнам ды басейнам за кошт КНР - сцяўшы зубы, з бюджэту, толькі надпісы Ад кітайскіх сяброў. Нічога ўлады самі па-чалавечы не зрабілі, ўсё праз дупу. Калі ёсць прыватны інвестар ды сапраўдны гаспадар, усё будуецца, а дзе чыноўнік - пусташ.
  • Твой дом турма.
    19.07.2022
    Нічога дрэннага ў гэтым не бачу. У эрэфіі іх на бутэлькі садзяць, а тут толькі ў турму.

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі10

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Усе навіны →
Усе навіны

У Расіі дзве дзяўчыны загінулі падчас квэсту — аніматар абліў іх газай, выпадкова падпаліў і ўцёк5

Ілюстратарку з Брэста асудзілі за данаты палку Каліноўскага на шэсць гадоў

Пад Бабруйскам на трасе добра насыпала граду

У Мінску за пратэсты будуць судзіць мужа і жонку. У іх трое дзяцей3

«Усякія сітуацыі ў жыцці бываюць». Павук спытаў у мясцовых уладаў пра шахед, што ўпаў у Акцябрскім3

Ігар Стралкоў (Гіркін) будзе працаваць краўцом у калоніі1

Пасля 2 гадоў зняволення выйшаў на волю старшыня АГП Мікалай Казлоў9

Борыс Джонсан расказаў, у чым змест мірнага плана Дональда Трампа па Украіне7

Лукашэнка: Мы «кінулі якар» у Расіі і Кітаі, але трэба знаходзіць шляхі супрацоўніцтва і з ЕС4

больш чытаных навін
больш лайканых навін

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі10

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Галоўнае
Усе навіны →